Real Zaragoza

De Biquipedia
Ir ta: navego, busca
[[{{{4|Wikipedia:Articlos destacatos|...]]
LinkFA-star Aragon.svg
Real Zaragoza
Real Zaragoza svg logo.svg.png
Datos
Nombre oficial Real Zaragoza SAD
Establito 1932
Estadio
Nombre A Romareda
Ciudat Zaragoza
Aforo 34.596
Devantad. 1957
Socios 30.000
Dirección
Propietario Agapito Iglesias
President Fernando Molinos
Entrenador Víctor Muñoz [1]
Títols
Títols 6 Copas d'o Rei
1 Supercopa d'Espanya
1 Recopa d'Europa
1 Copa de Ferias
Liga Segunda división
2012/13 20eno 1downarrow red.svg
Pachina oficial d'o club
Equipacions
Kit left arm zaragoza1314h.png Kit body zaragoza1314h.png Kit right arm zaragoza1314h.png
Kit shorts zaragoza1314h.png
Kit socks blue top.png
Primera
equipación
Kit left arm zaragoza1314a.png Kit body zaragoza1314a.png Kit right arm zaragoza1314a.png
Kit shorts zaragoza1314a.png
Kit socks zaragoza1314a.png
Segunda
equipación

O Real Zaragoza ye un club de fútbol aragonés, con seu en a ciudat de Zaragoza. Estió establito en 1932 y en a temporata 2013/2014 chuga en a Segunda división d'a Liga espanyola de fútbol.

Historia[editar | editar código]

Antecedents[editar | editar código]

Zaragoza CD
Iberia SC

En 1903, a tamas d'o esconoiximiento cheneral d'a sociedat sobre o fútbol, naixe o primer equipe local, o Zaragoza Fútbol Club, a on a lo prencipio se impartiban as nocions alazetals d'iste esporte ta mirar de reunir prous chugadors ta formar l'equipe. Manimenos, a versión moderna de l'equipe estió establita en 1921 por un grupo de estudiants de Medicina y recibe un nombre diferent, Zaragoza CD, anque ye conoixito con a embotada d'os "tomates" por o suyo uniforme royo. Entre 1924 y 1925 l'equipe se fusiona con os equipes menors Fuenclara y Stadium, alquirindo mayor fuerza aintro d'o fútbol local y tamién trestallando-lo ya que esistiba antimás unatro equipe en a ciudat l'Iberia SC.

L'Iberia S.C. naixe tamién en os primers anyos d'o sieglo XX y se torna en o equipe dominador d'o fútbol local por a suya estructura, ya que atrayeba gran cantidat de publico a los partitos y premitiba a participación d'o sector popular en as suyas filas. A iste equipe le metioron a embotada d'os "vriespas". Entre os suyos primrers anyos tenió dos oportunidatz de puyar t'a primera división espanyola, anque a la fin no lo consiguió.

Fundación[editar | editar código]

Primer escudo d'o Real Zaragoza
Logo comercial d'o Real Zaragoza

O club estió establito lo 18 de marzo de 1932 dimpués d'a desaparición d'o Iberia SC y o Zaragoza CD como conseqüencia d'os suyos problemas economicos. D'ista traza se respondeba a la demanda d'un gran club por parti d'a Federación aragonesa. En l'anyo 1934 s'establió a sección d'atletismo d'o Real Zaragoza. En a temporada 39-40, dimpués d'a Guerra Civil, o Real Zaragoza chugó por primera vegata en Primera división. Estió en ixa decada quan o Real Zaragoza reunió a suya primera cheneración destacata de chugadors, a conoixita como "Los Alifantes". Se diz que a embotada d'Alifantes apareixió mientres un partito en Barcelona contra o Júpiter, quan o Real Zaragoza ganaba por 0-3 un periodista aragonés sintió que un aficionato local deciba -"ye imposible de meter-les un gol, son como Alifantes"-, debito segurament a la gran altaria d'os chugadors aragoneses, bells quantos d'ellos por dencima de 1'90. En l'anyo 2007 se celebró lo 75 cabo d'anyo d'o naiximiento d'o club.

Decada d'os 40 y os 50[editar | editar código]

En as dos siguients decadas, os 40 (conoixita como A epoca negra) y os 50 (caracterizata por l'equipe dito "Los millonarios") o Real Zaragoza dondió por o Campionato de Liga puyando y baxando de contino entre primera y segunda división. En a decada de 1940-50, o equipe vive a suya pior etapa. En primeras desciende t'a Segunda División dimpués de dos anyos en Primera. Anque tornó t'a primera categoría en un anyo, baixó unatra vegata y dica l'anyo 1951 no tornaría a Primera (o mesmo anyo en o que adotó l'adchectivo "Real" (reyal) en o suyo nombre) baixando mesmo t'a Tercera División en 1947. A la fin d'os 40 y prencipios d'os 50 marcarba la epoca de "Los Millonarios", por a gran cantidat de diners que o president Julián Abril invirtió en os chugadors, pero bellas tensions en a plantilla facioron que ista epoca rematase con a tornata t'a Segunda División en l'anyo 1953.

Decada d'os 60[editar | editar código]

Ye en a decada d'os 60 quan o club vive os suyos millors anyos con o mitico equipe d'"Os Magnificos", debantera formada por Canario, Santos, Marcelino, Villa y Lapetra, que levoron l'equipe ta quatro finals de Copa d'Espanya, (en 1963, 1964, 1965 y 1966) d'as que ganoron dos (1964 contra l'Atlético de Madrid 1-2 con gols de Lapetra y Villa; y 1966 frent a l'Athletic de Bilbao con gols de Villa y Lapetra de nuevas), ta dos finals d'a Copa de Ferias (1964 y 1966) d'a que ganoron a primera contra o Valencia CF con gols de Villa y Marcelino, y una semifinal d'a Recopa de Europa (1965, estando redotatos por o West Ham Utd anglés).

Decada d'os 70[editar | editar código]

En a decada d'os 70 y d'a man de José Ángel Zalba, unatro equipe marcó una epoca en o Club: "Os Zaraguayos", clamatos asinas en honor a la colla de chugadors uruguayos y paraguayos que feban parti d'ixe equipe; "Cacho" Blanco, Soto, "Lobo" Diarte, Ocampos y "Nino" Arrua, que estió nombrato o millor chugador d'America y yera lo líder de l'equipe. Anque o suyo chuego les fació famosos, de man d'o entrenador Luis Cid Carriega, no consiguioron garra títol, estando un subcampionato de copa en 1976 o suyo millor momento. Ta par d'alavez s'obtenioron os millors resultatos en a Primera división espanyola, tercers en l'anyada 1973/74 y segundos en a 1974/75, (encara se remera o 6-1 contra o Real Madrid, en dita temporada). Ista racha remató con o descenso de l'equipe en 1976/77, puyando ta Primera unatra vegata en l'anyada siguient.

Decada d'os 80[editar | editar código]

En a decada d'os 80 a trachectoria esportiva estió prou regular, estando los unicos trunfos destacables a Copa de 1986, ganata a lo FC Barcelona y a semifinal d'a Recopa d'Europa en 1987, a on estioron eliminatos por l'Ajax d'Amsterdam. En 1988 deixó a presidencia d'o club Miguel Beltran y José Ángel Zalba se tornó unatra vegata en president.

Decada d'os 90[editar | editar código]

O Real Zaragoza mientres o partito final d'a Copa d'o Rei en o Santiago Bernabeu de Madrid, que perdioron debant d'o RCD Espanyol
José Ángel Zalba, l'hombre que ha presidito más anyos a lo Real Zaragoza

En 1991 y baixo a presidencia de José Ángel Zalba prencipia a entrenar por primera vegata Víctor Fernández como entrenador de primera division, en 1992 o club ha de tornar-se en Sociedat Anonima, y ye en ixe inte quan remata a presidencia de José Ángel Zalba y Alfonso Soláns pai merca a mayor parti d'as accions d'o club. Con un choven Víctor Fernández como entrenador en a temporada 1991/1992 l'equipe se clasifica t'a UEFA y prencipia asinas una etapa de exitos: en 1993 se plega en a setena final de Copa, que remata con una redota debant d'o Real Madrid; en 1994 se gana a copa a lo Celta de Vigo en os tiros de penaltis y quedando tercers en a Liga.

Manimenos ye o 10 de mayo de 1995 quan o Zaragoza obtiene o suyo mayor trunfo: en o Parque d'os Prencipes de París gana a l'Arsenal FC por 2 a 1, proclamando-se campión d'a Recopa d'Europa de 1995. Ista victoria estió encara más important porque o 2-1 definitivo s'aconsiguió faltando 10 segundos t'a fin d'o partito con un gol de Nayim dende metat d'o campo, a más de 60 metros d'a puerta. Iste equipe estió clamato a "Quinta de París" y l'once titular yera formato por: Cedrún, Belsué, Cáceres, Aguado, Solana, Nayim, Poyet, Aragón, Higuera, Esnáider y Pardeza. A l'anyo siguient chugó a Supercopa d'Europa pero la perdió contra l'Ajax d'Amsterdam.

En 1996 Alfonso Soláns fillo se convirtió en president d'a entidat, prencipiando una epoca de piors resultatos economicos y esportivos, sacato un buen puesto en a Liga en l'anyada 1999/2000.

Anyos 2000[editar | editar código]

En ista epoca l'equipe chuga tres finals de Copa: en 2001, que ganará a lo Celta de Vigo por 1-3, en 2004, quan vence a lo Real Madrid por 3-2 y en 2006 que pierde con o RCD Espanyol por 4-1. Tanimientres, en a temporada 2001/02 baixa t'a Segunda División tornando t'a primera categoría a temporada siguient. En la temporada 2004/05 se gana la Supercopa d'Espanya a lo Valencia CF, dimpués de perder por 0-1 en La Romareda y ganar en Mestalla por 1-3.

En l'anyada 2006/07 o club cambea de propietario, estando agora l'empresario Agapito Iglesias o maximo accionista y Eduardo Bandrés o nuevo president, tornando Víctor Fernández ta lo banquet. En a primera temporada d'o nuevo president, o club consigue a clasificación ta chugar a Copa d'a UEFA habendo quedato en a seisena posición en o Campionato espanyol de Liga.

O Real Zaragoza ficha en a primera temporada d'Agapito Iglesias y Eduardo Bandrés a seis chugadors: Aimar, Diogo, Sergio Fernández, Piqué, D'Alessandro y Juanfran. Tamién se produce un cambeo en a estructura administrativa d'o club destacando a baixa de Jerónimo Suárez como director cheneral y l'alta de Manuel de Miguel como director de comunicación.

En a temporada 2007-2008 o Real Zaragoza incorpora de verano a ueito chugadors: López Vallejo, Ayala, Pavón, Matuzalem, Gabi, Paredes, Oliveira y Luccin.

75 anyos d'historia[editar | editar código]

75 Anyos d'o Real Zaragoza

O club cumple en 2007 os 75 anyos d'historia, y o club organizó diversos actos ta celebrar-lo. En a parti esportiva, antimás d'a gran anyada que tenió l'equipe, o 18 de marzo de 2007 se celebró una fiesta en La Romareda con un partito homenache entre o Real Zaragoza y l'At. Madrid.

Estadio[editar | editar código]

O estadio d'A Romareda s'inaguró con un partito entre o Real Zaragoza y l'Osasuna o 8 de setiembre de 1957, estando president d'o club manyo Cesáreo Alierta. Ganoron os locals 4-3 con gols de Vila (o primer gol en a Romareda), Wilson, Murillo y Vila por segunda vegada y Areta, Gabino y Glaría t'os foranos.

O campo tenió quantos apanyos entre 1977, quan se construyoron os nuevos escalerons cubiertos de Norte y Sur y en 1982 quan se construyoron as cubiertas de cheneral posato debito a que o estadio iba a estar seu d'o Mundial d'Espanya '82. As zagueras obras se facioron en 1994 ta adequar-lo t'a normativa d'a UEFA que obliga a que bi haiga posientos en todas as localidatz.

Plantilla actual[editar | editar código]

Ta plantillas d'anyos anteriors se veiga Lista de plantillas d'o Real Zaragoza
Num. Posición Chugador
1 Flag of Aragon.svg POR Alcolea
2 Flag of the Valencian Community (2x3).svg ESF César Arzo
4 Flag of Cantabria.svg ESF Álvaro
5 Flag of Aragon.svg ESF Laguardia
6 Flag of Extremadura with COA.svg ESF David Cortés
8 Flag of the Basque Country.svg MEY Barkero
9 Flag of the Valencian Community (2x3).svg DEB Roger Martí
10 Flag of Asturias.svg MEY Luis García
11 Flag of the Valencian Community (2x3).svg MEY Montañés
12 Flag of Argentina.svg MEY Paglialunga
16 Flag of Argentina.svg MEY Acevedo
17 Flag of Andalucía.svg ESF Fernández
Num. Posición Chugador
18 Flag of Catalonia.svg DEB Víctor Rodríguez
20 Flag of Chile.svg DEB Henríquez
21 Flag of Catalonia.svg ESF Abraham
22 Flag of the Community of Madrid.svg MEY Cidoncha
23 Flag of the Canary Islands.svg MEY Javi Álamo
25 Flag of Argentina.svg POR Leo Franco Capitán
26 Flag of Castile and León.svg ESF Rico
27 Flag of Russia.svg MEY Anton
28 Flag of Navarre.svg MEY Tarsi
29 Flag of Aragon.svg DEB Diego Suárez
31 Flag of the Community of Madrid.svg DEB Esnáider
32 Flag of the Canary Islands.svg MEY Carlos Javier

A lista encluye nomás a nacionalidat prencipal de cada chugador. Beluns d'os chugadors no europeus tienen doble nacionalidat de bell país d'a Unión Europea:

Como desichen as normas d'a LFP, os chugadors d'a primera plantilla han de levar os dorsals de l'1 a o 25, entre que d'o 26 enta debant serán chugadors d'o equipe filial. Asinas, os chugadors con dorsals superiors a o 25 son, a toz os efectos, chugadors d'o Real Zaragoza B y como tals, podrán compachinar partius con o primer y segundo equipe.

Chugadors famosos[editar | editar código]

Himno[editar | editar código]

Se veiga l'articlo prencipal sobre l'himno d'o Real Zaragoza

A musica y a letra son de Juan Ignacio Notario Romeo:

Himno en castellán (oficial)

El Zaragoza va a jugar
El Zaragoza va a vencer
El Zaragoza va a luchar
por su afición
Y los mañicos auparán
a los blanquillos del león
Azul y blanco es el color del campeón
Estrebiello:
Aúpa Zaragoza
Arriba y a vencer
Palmadas al viento
que gritan ganareis
La raza en el juego
Nobleza y valor
Bandera y orgullo
de nuestro Aragón
La Romareda vibrará
y el cachirulo se alzará
como un gigante es el equipo aragonés
El Zaragoza es la afición
con once grandes del balón
y una leyenda con trofeos al mejor
Estrebiello
A ganar, a ganar, El Zaragoza va a ganar
A ganar, a ganar, El Zaragoza ganarará
A ganar, a ganar, El Zaragoza va a ganar
A ganar, a ganar, El Zaragoza ganarará

Himno en aragonés (no oficial)

O Zaragoza va a chugar
O Zaragoza va a vencer
O Zaragoza va a luitar
por a suya afición
y os manyicos puyarán
a os blanquiellos d'o lión
azul y blanca ye a color d'o campión
Estrebiello:
Aupa Zaragoza
Entalto y a vencer
Chapadas ta l'aire
que chilan ganaretz
A rasmia en o chuego
Nobleza y valor
Bandiera y orgüello
d'o nuestro Aragón
A Romareda vibrará
y o cachirulo bandiará
como un chigant ye l'equipe aragonés
O Zaragoza ye l'afición
con once grans d'o pilotón
y una leyenda de trofeus ta o millor
Estrebiello
A ganar a ganar, O Zaragoza va a ganar
A ganar, a ganar, O Zaragoza ganará
A ganar a ganar, O Zaragoza va a ganar
A ganar, a ganar, O Zaragoza ganará

Temporadas[editar | editar código]

División Temporadas
58
17
4
Temporadas Posición Copa d'o Rei
1932/33
1933/34 1uparrow green.svg
1934/35
1935/36 1uparrow green.svg
1939/40
1940/41 11º 1downarrow red.svg
1941/42 1uparrow green.svg
1942/43 13º 1downarrow red.svg
1943/44
1944/45
1945/46 10º
1946/47 13º 1downarrow red.svg
1947/48
1948/49 1uparrow green.svg
1949/50
1950/51 1uparrow green.svg
1951/52 12º
1952/53 16º 1downarrow red.svg
1953/54
Temporadas Posición Copa d'o Rei
1954/55
1955/56 1uparrow green.svg
1956/57
1957/58 14º
1958/59
1959/60 11º
1960/61
1961/62
1962/63 Subcampión
1963/64 Campión
1964/65 Subcampión
1965/66 Campión
1966/67
1967/68
1968/69 13º
1969/70
1970/71 16º 1downarrow red.svg
1971/72 1uparrow green.svg
1972/73
Temporadas Posición Copa d'o Rei
1973/74
1974/75
1975/76 14º Subcampión
1976/77 16º 1downarrow red.svg
1977/78 1uparrow green.svg
1978/79 14º
1979/80 10º
1980/81 14º
1981/82 11º
1982/83
1983/84
1984/85 10º
1985/86 Campión
1986/87
1987/88 11º
1988/89
1989/90
1990/91 17º
1991/92
1992/93 Subcampión
Temporadas Posición Copa d'o Rei
1993/94 Campión
1994/95
1995/96 13º
1996/97 14º
1997/98 13º
1998/99
1999/00
2000/01 17º Campión
2001/02 20º 1downarrow red.svg
2002/03 1uparrow green.svg
2003/04 12º Campión
2004/05 12º
2005/06 11º Subcampión
2006/07
2007/08 18º 1downarrow red.svg
2008/09 1uparrow green.svg
2009/10 14º
2010/11 13º
2011/12 16º
2012/13 20º 1downarrow red.svg

Datos d'o club[editar | editar código]

  • Temporadas en Primera División: 58
  • Temporadas en Segunda División: 17
  • Temporadas en Tercera División: 4
  • Millor posición en a liga: 2º (temporada 74-75)
  • Pior posición en a liga: 20º (temporada 01-02 y 12-13)

Palmarés[editar | editar código]

Real Zaragoza B[editar | editar código]

Articlo prencipal: Real Zaragoza B.

O Real Zaragoza B, d'antis más dito Deportivo Aragón, ye l'equipe filial d'o club. Estió establito en 1965 y chuga actualment en Tercera división (Grupo XVI).

Secciones d'atros esportes[editar | editar código]

  • En l'anyo 1934 s'establió a sección d'atletismo que desapareixió en zaguerias d'a decada de 1990 siendo president d'o club Alfonso Solans. [3]
  • Tamién existió una sección de baloncesto masculín que arribó a partecipar en a primera división de baloncesto d'espanya en a temporata 1960-61, siendo l'11eno claseficato.
  • Durante quatre anyadas dende 1966 dica 1970 tamién bi habió sección de baloncesto femenín partecipando en Primera División en 1966 y as atras en segunda dica a suya desaparición. [4]

Veyer tamién[editar | editar código]

Referencias[editar | editar código]

Vinclos externos[editar | editar código]


Segunda División 2013/14 Flag of Spain.svg
Alavés | Albacete | AD Alcorcón | FC Barcelona B | Córdoba CF | Deportivo de La Coruña | CD Lugo | Girona FC | Hércules CF | UD Las Palmas | Mirandés | Ponferranida | RCD Mallorca | Real Jaén | Real Madrid Castilla | Real Murcia | Numancia | Recreativo de Huelva | Sporting de Gijón | CE Sabadell | CD Tenerife | Real Zaragoza


Esporte d'elite en Aragón Flag of Aragon.svg
Olympic flag.svg Seleccions: Selección de fútbol | Selección de baloncesto | Selección de balonmán
Basketball pictogram.svg Baloncesto: CAI Zaragoza | Mann Filter | CB Peñas Huesca
Handball pictogram.svg Balonmán: BM Aragón | BM Huesca
Football pictogram.svg Fútbol: Prainsa Zaragoza | Real Zaragoza | SD Huesca | CD Sariñena
Rugby union pictogram.svg Fútbol americán: Zaragoza Hurricanes | Zaragoza Hornets
Football pictogram.svg Fútbol sala: Sala-10 Zaragoza | Mainfer Zaragoza | Industrias BIAL Caspe | FS Pinseque | La Muela FS | Alcañiz FS | Jaca FS | Tedreca Cadrete
Ice hockey pictogram.svg Hockey chelo: CH Aramón Jaca
Volleyball (indoor) pictogram.svg Voleibol: Caja3 Voleibol Teruel
Water polo pictogram.svg Waterpolo: Escuela Waterpolo Zaragoza | C.N. Helios