Portero (fútbol)

De Biquipedia
Ir ta: navego, busca
Ista pachina ye sobre os porters de fútbol. Ta porters d'atros esportes se veiga portero (esporte).
Un portero s'estira t'aturar un tiro a portería.
Destin Onka, portero d'a selección d'o Congo, atura un chut d'o debantero australián Rubin Okotie en o Campionato d'o Mundo de Fútbol sub-20 en 2007.

Un portero ye o futbolista u chugador de fútbol que esfensa la portería d'o suyo equipe y tien privilechios especials adintro d'o chuego.

En ista posición se requiere de buenas reaccions asinas como rapedas decisions en l'inte t'aturar la pilota. Ye menester, ta un equipe competitivo, tener un portero efectivo en qui se pueda confiar, que lis transmita seguridat a los esfensors, ta que istos puedan obrar tranquilament y efectiva.

Os porters han de vestir un uniforme diferent a la resta d'os chugadors de campo, que consta de: pantalons y camiseta, os qualos poseyen un sistema de coixinetz en os codos y atras partis d'o cuerpo. Amás levan esguantes especials, os qualos s'emplegan como un accesorio de protección. Manimenos, istos tamién tienen una capa de látex situata en a palma, con a finalidat d'esmorteixer y de dar millor adherencia ta poder conseguir una millor aturata u parata.

Estar portero ye difícil dende un punto d'anvista psicolochico, ya que os porters han de saber imposar a suya voz en o terreno de chuego. Si no a comunicación con os esfensors sería nula, y istos no dudarban en recriminar o gol a lo portero que muitas vegatas no puet fer cosa debant d'un buen ataque rival.

O más notable ye que os porters son os solos chugadors que pueden tocar a pilota con as suyas mans u brazos mientres o chuego, encara que nomás adintro de l'aria de penalti. Manimenos, no pueden fer-lo si a pilota ha estato recullita d'un saque lateral u d'un pase d'un companyero con o piet u con a garra, y no puet tener a pilota en as suyas mans mientres más de seis segundos. En o caso de que o portero pille a pilota con as mans d'un pase d'un compayero, se sinyalará un tiro libre indreito en o mesmo puesto a on que s'haiga preso la pilota.

Porters notables[editar | editar código]

Millors porters d'o Sieglo XX[editar | editar código]

Os siguients chugadors fuoron trigatos os 20 millors porters d'o sieglo XX por a IFFHS:[1]

  1. Flag of the Soviet Union.svg Lev Yashin.
  2. Flag of England.svg Gordon Banks.
  3. Flag of Italy.svg Dino Zoff.
  4. Flag of Germany.svg Sepp Maier.
  5. Flag of Spain (1785-1873 and 1875-1931).svg Ricardo Zamora.
  6. Flag of Paraguay.svg José Luis Chilavert.
  7. Flag of Denmark.svg Peter Schmeichel.
  8. Flag of England.svg Peter Shilton.
  9. Flag of the Czech Republic.svg František Plánička.
  10. Flag of Argentina.svg Amadeo Carrizo.
  11. Flag of Brazil.svg Gilmar dos Santos Neves.
  12. Flag of Uruguay.svg Ladislao Mazurkiewicz.
  13. Ulster banner.svg Pat Jennings.
  14. Flag of Argentina.svg Ubaldo Fillol.
  15. Flag of Belgium.svg Jean-Marie Pfaff.
  16. Flag of the Soviet Union.svg Rinat Dasaev.
  17. Flag of Mexico (1934-1968).png Antonio Carbajal.
  18. Flag of Hungary (1949-1956).svg Gyula Grosics.
  19. Flag of England.svg Ray Clemence.
  20. Flag of Italy.svg Walter Zenga.

Millors porters de l'anyo[editar | editar código]

A siguient ye una lista d'os porters seleccionatos por a IFFHS como lo millor de cada anyo dende 1987:[2]

Referencias[editar | editar código]