Populus

De Biquipedia
Ir ta: navego, busca
Populus
Populus-cf-nigra-Havellaendisches-Luch-18-07-2008-274.JPG
Populus nigra
Denominacions populars
Alamos, albars
Rechistro fosil
Dende o Cretacio
Clasificación scientifica
Dominio:
Eukaryota
Reino:
Plantae
División:
Magnoliophyta
Clase:
Magnoliopsida
Orden:
Malpighiales
Familia:
Salicaceae
Chenero:
Populus
Descripción
Populus
L., 1758

Populus (L., 1758) ye un chenero de plantas dicotiledonias magnoliopsidas en a familia d'as salicacias, composau por especies de port arborio u arbustivo, caducifolias, a mayoría d'ellas naturals de o Hemisferio Norte. Corresponde con as especies que, en aragonés, se denomina chenericament alamos[1] u, principalment en a Ribagorza y Sobrarbe, albars[1][2] (pronunciau /al'bas/~/aʎ'bas/).

Descripción[editar | editar código]

Son árbols de creiximiento rapedo, que viven en puestos con augua (como sotos y riberas), y arriban dica a altarias d'entre 15 y 50 metros, con trancos que gosan fer 2,5 m de diametro en os exemplars más viellos.

As fuellas creixen pendulars, oposadas, con un peciolo luengo y con as laderas lisas u, en qualques especies, lobuladas. A forma d'a fuella varía d'entre amanada a formar un circlo como en P. lasiocarpa dica triangular (P. nigra). Anque a color d'o follamen ye verde, a sobén se torna amariella u royisca d'agüerros, chusto enantes de cayer.

A crosta ye lisa en os árbols chovens, con freqüents lenticelos, pero gosa tornar-se aspra quan creixen. A color ye blanca u grisa en muitas especies, escurindo-se con a edat y aspritut, pero en atras destaca por o escura que ye, en comparanza con as primeras que son a mayoría.

As flors son dioicas, rarament monoicas. Naixen como amentos pedunculaus enantes que brosten as fuellas en primavera. Cada flor individual tiene una escata protectora que s'enradiga directament en o raquis de l'amento. As flors masculinas dan muitismo polen, por o que resultan árbols muit alerchenicos, principalment por o elevau numero d'estambres que contienen; d'entre 4 y 50 por cada flor.

Especies[editar | editar código]

O chenero Populus concabe una gran cantidat d'especies, d'entre as que son más freqüents en Aragón o chopo (que incluye a variedat «lombardo»), a tremolera y o chopo blanco.

O chenero tradicionalment se subdivide en 6 seccions, en base acaracters morfolochicos de a flor y a fuella. Os estudeos cheneticos que s'han feito han confirmau ista división, pero tamién que ha existiu qualque cosa d'hibridación d'entre as diferents seccions en o pasau.

Fuellas d'alamo en agüerro.

Referencias[editar | editar código]

  1. 1,0 1,1 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
  2. (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ena ed.); Mira Editores. Zaragoza 2004. ISBN 84-8465-160-6

Vinclos externos[editar | editar código]

Biquiespecies
Se veiga a información de Biquiespecies sobre Populus.