Palla

De Biquipedia
Ir ta: navego, busca
Palla.

A palla (de o latín <PALEA) ye o trallo seco de bellas plantas poacias, en especial os cerials de cautivo común: trigo, hordio, cevau, segal, arroz, etc. Tradicionalment, s'obteneba deseparando-la contra o grano en o proceso de trilla y aventau. En l'actualidat, con a mecanización de a siega, se gosa fer con maquinas.

A palla ye un material muit barato y se fa servir ta muitos usos. Eventualment, puede estar alimento ta bells animals, pero l'uso mas freqüent en ganadería ye de fer-les de leito a las bestias y ta absorver, espardindo-la por o suelo d'a quadra ta que absorva parcialment a orina y a humedat d'o fiemo, o que disminuye o riesgo d'infeccions por l'obligau contacto d'os animals con as suyas deposicions. Tamién s'ha feito servir tradicionalment en atros campos, como a construcción: serviba ta cubillar bordas y cabanas, y tamién yera un component d'o tillo y de l'adoba.

As bordas a on que s'almagazena la palla se dicen pallers/os, pero en bells puestos tamién s'almagazena a la intemperie en niedas, que son unas estructuras particulars destinadas a minimizar a descomposición quan s'ha de guardar en o exterior. As pacas son paquetz de palla compactada mecanicament, de regular con bella maquina especifica ta fer ixa función.

Imáchens[editar | editar código]

Se veiga tamién[editar | editar código]

Vinclos externos[editar | editar código]