Secale cereale

De Biquipedia

Segal
Segal
Clasificazión zentifica
Dominio: Eukaryota Reino: Plantae Dibisión: Magnoliophyta Clase: Liliopsida Orden: Poales Familia: Poaceae Chenero: 'Secale'
Nomenclatura binomial
Secale cereale
M. Bieb.

O segal (selga (femenino) en benasqués) u zenteno (Secale cereale (M. Bieb.)) ye una planta graminia monocotiledonia de creiximiento añal, caultibata en bels puestos como zerial domestico, u como pastura ta lo bestiar. En l'Alto Aragón no tiene-i guaire tradizión de caultibar-se, e sobre tot i ye coneixito como planta espontaneya en os campos de trigo u ordio, espreziato per a menor calidat d'o suyo grano.

En os zaguers años se son itas proliferando diferents manieras de posar-lo en consumo, e en l'autualidat tienen reputazión os pans que s'en elaboran, sobre tot perque s'ha gosato considerar-lo un complemento dietetico con riqueza en fibra e l'aporte de gusto singular que i fa. O suyo caultibo estensibo i ye tradizional en bels paises, anque no en a Peninsula Iberica. Tolera las sequeras e las baixas temperaturas millor que no lo trigo u l'ordio, gosando manifestar autibidat bechetatiba (ixo ye, creiximiento) tamién en os días d'ibierno, cosa que l'ha feto d'estar emplegato en paises fridos més que no los altros zerials tradizionals; A lista d'os prenzipals paises produtors d'este zerial en o mundo encluyen Rusia, Alemaña, Polonia u Canadá. En a Edat Meya en Aragón as zonas produtoras de segal se conzentraban en o Sobrarbe, Ribagorza e Comunidat de Daroca.^[1].

As espigas tienen una forma carateristica, son baixas per cuentas d'estar reutas como en os altros zerials, e tienen lo nombre popular de benziellos per pareixer-se á os beziellos tradizionals. A palla ye més fina que en altros zerials, e puet emplegar-se fendo parte d'o fen, en chunto con l'alfalz e altras yerbas, ta paixentar las bestias.

[editar] Referenzias

[editar] Enrastres esternos

• Biquiespezies tien un articlo sobre Secale cereale.
• Se beigan as imachens de Commons sobre segal.