Adoba
L'adoba ye un tocho feito con una masa d'archila y bella cosa más, secata a lo sol y a l'aire, sin cocer-la. Ye un material de costrucción muito antigo, y encara s'emplega en amplas rechions por estar fácil de fer e emplegar. Funciona mui bien en rechions de clima seco y soleyato, por estar buen aislant termico.
La més antiga ciudat conoixita, Çatal Höyük, en Anatolia, de lo VII milenio enantes de Cristo, teneba las casas construitas con adobas.
En l'Antiguo Echipto s'empleó l'adoba, fendo-la con limo de lo Nilo, en la costrucción de casas, tumbas (mastabas), fortalezas, y mesmo palacios; encara que estioron los primers en emplegar la piedra tallata pa alzar templos, piramides y atras edificacions monumentals.
En Espanya, l'adoba ye tipica de las rechions secas de Castiella y Leyón, on s'anyade palla a lo bardo. Las construccions d'adoba gosan cubrir-se con una napa de lo mesmo bardo, con lo que dan ixa traza tan curiosa a las casas tipicas de Tierra de Campos. Tamién ye usual en rechions semideserticas d'Africa, America Central y America de lo Sud (rancho).
