Meskhi

De Biquipedia
Ir ta: navego, busca
Meskhi
Población total
400.000 - 629.000
Rechions con comunidatz importants
Flag of Kazakhstan.svg Cazaquistán 90.000-110.000[1]
Flag of Russia.svg Rusia 50.000-70.000[1]
Flag of Azerbaijan.svg Azerbaichán 38.000[2]
Flag of Kyrgyzstan.svg Kirguizistán 25.000-30.000[1]
Flag of Turkey.svg Turquía 25.000-30.000[1]
Flag of the United States.svg Estatos Unitos 15.000[1]
Flag of Uzbekistan.svg Uzbekistán 10.000-15.000[1]
Flag of Ukraine.svg Ucraína 5.000-10.000[1]
Flag of Georgia.svg Cheorchia 1.000
Idiomas
Turco, ruso, cheorchián y azerí
Relichión
Islam
Mapa
Meskheti(Samtskhe)Historical.svg
Localización d'os meskhi en Cheorchia

Os meskhi u meskhetas son os habitants musulmans que i heba antes de 1944 en a rechión de Meskh (sudueste de Cheorchia, a lo canto d'a muga con Turquía). Yeran d'os grupos etnicos carapapakh, kurdo u chechén, u de faccions islamizatas d'o pueblo armenio (hamxenis) u cheorchián, y fuoron deportatos por as autoridatz sovieticas ta Uzbequistán. En os anyos de deportación en Uzbequistán desembolicoron una conciencia etnica común y encomenzoron a definir-sen como turcos meskhi. Actualment charran una luenga turquica. Son mayoritariament musulmans sunnitas seguidors d'a escuela Hanafí, pero con una minoría de xiitas.

Historia[editar | editar código]

En o sieglo XVI os otomans conquirioron o sudueste de Cheorchia y muitos cheorchians y individuos d'atros pueblos caucasicos como os lazes se convirtioron a lo islam. Os cheorchians d'a rechión d'Ajaltsije fuoron més luent, dixoron a luenga cheorchiana por a luenga turca y d'alcuerdo con bellas fuents se convirtioron a la forma xiita[3] d'a relichión musulmana.

I habió continos cambios de mugas dica o tractato de Kars de 1921, quan Turquía recuperó Ardahán y s'estabilizó a muga entre Turquía y Cheorchia. En o costato norte d'a muga, en territorio cheorchián quedoron poblacions musulmanas que en 1926 yeran censatas como turcos. O 15 de noviembre de 1944 os musulmans de Ajaltsije y a rechión de Meskhet fuoron deportatos en masa ta Uzbequistán. Entre os musulmans deportatos de Meskhet i heba a més de cherchians musulmans, armenios musulmans (hamxenis) y turcos carapapakhes. A población musulmana de Meskhet fue deportata a lo mesmo tiempo que os kurdos d'o sur de Cheorchia y os lazes d'Acharia y en total estioron 200.000 presonas.

Os musulmans de meskhet desembolicoron una conciencia etnica común y encomenzoron a definir-sen como turcos meskhi en os anyos de deportación en Uzbequistán. No fuoron "rehabilitatos" en l'anyo 1957 a diferencia d'os calmucos, chechens, inguixes y atros "pueblos castigatos".

En os anyos sesanta y setanta prenioron notoriedat por a luita pa que los permetesen tornar ta Cheorchia u emigrar ta Turquía. En 1989 bi habió pogroms contra os Meskh en a val de Fergana d'Uzbequistán, y muitos Meskh fuyoron ta atras partz d'a URSS. Agora son en un proceso de lenta tornata ta Cheorchia.

Referencias[editar | editar código]

  1. 1,0 1,1 1,2 1,3 1,4 1,5 1,6 Consello d'Europa (2006), Documentos: papers de treballo, sesión ordinaria de 2005 (segunda parte), 25-29 d'abril de 2005, Vol. 3: Decumentos 10407, 10449-10533, Consello d'Europa, ISBN 9287157545 .
  2. (en)Censuses of Republic of Azerbaijan 1979, 1989, 1999, 2009 The State Statistical Committee of the Republic of Azerbaijan
  3. André Sellier: Atlas de los pueblos de Oriente

Bibliografía[editar | editar código]