Félix Gastón Otal
| Félix Gastón Otal | |
|---|---|
 Fotografía de 1939 procedent d'o pasaporte de Félix Gastón Otal. | |
| Información personal | |
| Calendata de naixencia | 9 de chulio de 1900 |
| Puesto de naixencia |  Sos d'o Rei Catolico (Cinco Villas, Aragón)
|
| Calendata de muerte | 20 de chinero de 1953 |
| Puesto de muerte |  Santo Domingo (alavez dito Ciudad Trujillo, Districto Nacional, Republica Dominicana)
|
| Alma Máter | Escuela Nautica de Bilbau |
| Ocupación | Marinero d'a marina mercant |
| Pai | Miguel Gastón Bretos |
| Mai | Vicenta Otal Pelegrín |
| Conchuche | Elvira Palmada Vidal (1929- ) |
Félix Gastón Otal, naixiu de Sos d'o Rei Catolico (Cinco Villas, Aragón) o 9 de chulio de 1900 y muerto en Santo Domingo (alavez dito Ciudad Trujillo, Districto Nacional, Republica Dominicana) 20 de chinero de 1953 estió un marinero aragonés d'a marina mercant, capitán de barco, que partecipó en a Guerra Civil espanyola, refuchiando-se en rematar a guerra con a redota d'a Republica espanyola en primeras en Francia y dimpués en a Republica Dominicana.
Primeras anyadas[editar | modificar o codigo]
Félix Gastón Otal yera naixiu circustancialment de Sos, estando su pai Miguel Gastón Bretos naixiu d'a mugant localidat de Petiella d'Aragón en Navarra y su mai Vicenta Otal Pelegrín de l'amanada localidat d'Isuerre. Naixió cuan la familia marchaba de camín enta Zaragoza y de bien nino la familia se tresladó enta Chirona en Catalunya.
Formación[editar | modificar o codigo]
En haber-se tresladau a familia por motivos profesionals d'o pai enta Bilbau, Félix prencipió estidios en a Escuela Nautica de Bilbau, treballando dimpués ta la Compañía Naviera Iturri, que teneba la suya seu social en Barcelona, y estió en ista ciudat a on conoixió a Elvira Palmada Vidal, que se convertió en a suya esposa en 1929 dimpués de que dixase la suya profesión y escomencipiase a treballar como profesor de Nautica.
A Segunda Republica[editar | modificar o codigo]
Félix y su chirmano Miguel parteciporon activament en os movimientos socials (Miguel yera militant d'a Unión General de Trabajadores) y politicos mientres a Segunda Republica Espanyola, en colaborando en as eleccions de 1936 con as candidaturas d'o Frente Popular.
A guerra civil[editar | modificar o codigo]
Cuan esclató la Guerra Civil espanyola lo 18 de chulio de 1936 Félix y Miguel colabororon en las luitas en as carreras en Barcelona ta sofocar a rebelión militar a las órdens d'a suya organización sindical, y Félix s'adedicó de pleno dende alabez a la vida politica.
Exilio en Francia[editar | modificar o codigo]
En febrero de 1939, los dos chirmans marchoron enta Francia en un cambión fuyindo d'as tropas franquistas que heban abanzau en a clamada "ofensiva de Catalunya" y en plegar-ie fuoron internaus en o campo de concentración de Sant Cebrià de Rosselló en Sant Cebrià de Rosselló dica que en 1940 podioron marchar enta la Republica Dominicana.
Exilio en Republica Dominicana[editar | modificar o codigo]
En primeras vivivan en Sánchez, en a provincia de Samaná, a on Félix ubrió una botiga a on se i vendiban comestibles.
Exilio en Venezuela[editar | modificar o codigo]
En 1945, desapareidas as asperanzas de poder tornar en Espanya, Félix marchó con a suya familia enta Venezuela pero cuan o cheneral Marcos Pérez Jiménez dió un golpe d'estau y instauró una dictadura militar, decidioron de tornar en a Republica Dominicana.
Instalación definitiva en Republica Domiicana[editar | modificar o codigo]
En 1947 la familia s'heba instalau nuevament en Samaná y a traviés d'una chirmana de l'almirant dominicano César de Windt Lavandier, chefe de l'Estau Mayor d'a Marina de Guerra dominicana, conoixió a l'almirant qui, intresau por a suya trachectoria, li ufrió dirichir l'Academia Naval d'a Marina de Guerra dominicana, encara que finalment por de presions politicas como consecuencia d'a suya condición d'exiliau republicano espanyol nomás lo contractoron que como profesor en a dita escuela.
Vinclos externos[editar | modificar o codigo]
Se veigan as imáchens de Commons sobre Félix Gastón Otal.
