Petiella d'Aragón
| Petiella d'Aragón | ||
|---|---|---|
| Municipio de Navarra | ||
|
||
| Entidat • Estato • Comunidat • Provincia • Comarca |
Municipio Espanya NavarraNavarra Comarca de Sangüesa |
|
| Superficie | 28 km² | |
| Población • Total |
33 hab. (2008) |
|
| Altaria | 843 m. | |
| Distancia • 71 km |
enta Pamplona |
|
| Codigo postal | 50686 | |
| Coordenatas | 42°27’ 0’’N 1° 7’ 1’’U | |
  Petiella d'Aragón
Situación de Petiella d'Aragón en Navarra
|
||
Petiella d'Aragón (en castellán Petilla de Aragón, en vasco Petilla Aragoi) ye un municipio de Navarra, situato en o centro d'a comarca d'as Cinco Villas (Aragón). A población ye de 33 habitants en una superficie de 28 km² y una densidat de 1,18 hab/km².
Ye formato por dos enclaus diferents: o principal d'a capital d'o municipio y o enclau d'os Bastanes, a escasa distancia enta o sud. Petiella d'Aragón ye situata a 71 km d'a capital d'a comunidat foral de Navarra, Pamplona. Perteneixe a la merindat de Sangüesa.
Dende lo punto de vista eclesiastico, perteneixe a la diocesi de Chaca y archidiocesi de Pamplona.
O enclau principal de Petiella muga por o norte con Navardún y con Isuerre, por l'este con Uncastiello, y por l'ueste con Sos d'o Rei Catolico. L'enclau de Bastanes muga a o norte y a l'ueste con Sos, y a l'este y a o sud con Uncastiello.
Petilla ye famosa por estar o lugar de naixencia de Santiago Ramón y Cajal en 1852 y por a suya peculiar situación cheografica como enclau navarro en tierras aragonesas.
Contenius |
[editar] Cheografía
Ocupa una val lateral d'a val d'Onsella, que desaugua en o río Onsella, encara que o enclau de Bastanes fa parte d'a cuenca d'o río Arba por o barranco de Bastanes, afluent d'o río Riguel.
[editar] Historia
Bi habió un castiello, o castiello de Petiella, hué desapareixito, que completaba o sistema defensivo d'o primitivo reino d'Aragón, chunto a os castiellos de Sos (en Sos d'o Rei Catolico), Royta, Sibirana, Uncastiello (en Uncastiello), Luesia (en Luesia), Biel (en Biel) y Castiliscar (en Castiliscar).
[editar] Luenga aragonesa
Tamién estio lo zaguer lugar de Navarra en mantener viva la luenga aragonesa, charrata en a suya redolada, por a suya propia situación cheografica en as Altas Cinco Villas (hue Longars, unos 10 km a l'este ye bilingüe aragonés-castellán).
Aragonesismos usuals en Petiella d'Aragón son vacía y vación.
[editar] Veyer tamién
[editar] Vinclos externos
Se veigan as imáchens de Commons sobre Petiella d'Aragón.- (es) Blog sobre Petiella d'Aragón
