Erithacus rubecula

De Biquipedia
Ir ta: navego, busca
Papirroi
Papirroi
Papirroi (Erithacus rubecula).
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Passeriformes
Familia: Turdidae
Chenero: Erithacus
Especie: E. rubecula
Nomenclatura binominal
Erithacus rubecula
Linnaeus, 1758

O Papirroi, papirroyo, pitarroi u petret (Erithacus rubecula (Linnaeus, 1758)) ye un muixón tipico y exclusivo d'Europa, mas que mas en o sud d'o continent a on i ye especialment abundant y i reside permanentment. Tamién le s'ha puesto trobar ocasionalment en o norte d'Africa como au migratoria fendo-ie la hibernata. Fa bells 14 cm de longaria, y se puet conoixer facilment per a taca royisca u narancha que tien en o peito, papo y a parte frontal d'a cabeza, que ye d'on que le vien o nombre.

Os papirrois tienen una conducta reproductiva atipica entre as aus, pos ye la fembra qui mira a lo masclo ta criar, metendo-se a rondar per o territorio d'éste (os masclos gosan estar muito territorials) y lo grita ta aparellar-se. Os papirrois son d'as pocas aus capables de criar dos cobatas a la vegata, pos mientres a fembra coba os uegos d'una, o masclo alimenta os polletz de l'anterior. Esto el pueden fer perque os chóvens se revolan a partir d'os 12 u 15 días de naixitos, que ye alto u baixo lo tiempo que lis cuesta a os uevos siguients de salir.

A suya alimentación ye diversa, pos minchan insectos, cucos y chicotz invertebratos que troban per o suel, a sobén esgarrapando-ie ta quitar-los, y de primavera u d'agüerro si en pueden trobar, pican tamién lulos.

Qualques anotacions sobre la reproducción[editar | editar código]

Papirroi estorrufato per o frido.
Uevos d' Erithacus rubecula
  • Meses que fan os niedos: entre abril y agosto.
  • Cobatas a l'anyo: Una u dos.
  • Uegos que ponen en cada cobata: d'entre un y seis, de color blanca con puntetz.
  • Tiempo que se i están aclucatos: Dotze u tretze días.

Zoonimia[editar | editar código]

Os nombres mas comuns en aragonés son papirroi/papirroyo, en aragonés central y occidental, pitarroi en aragonés oriental, y petret/petrel, en sobrarbenco y aragonés meridional.[1]

Referencias[editar | editar código]

  1. Rafel Vidaller Tricas. Libro d'as matas y os animals. Dizionario aragonés espezies animals y bechetals

Se veiga tamién[editar | editar código]

Vinclos externos[editar | editar código]