Dama dama

Dama dama ye una especie de mamifero de l'orden artiodactyla y familia cervidae propia d'os países d'a Mediterrania Oriental y Orient Meyo y introdueita en os países d'a Mediterrania Occidental y amplas partz d'Europa.

Fue introdueito en l'antiguedat en a Peninsula Iberica, pero seguntes Woertensen (2000) s'extinguió d'Aragón entre os sieglos XIV y XVII. Entre os sieglos XVIII y XIX bi ha citas dudosas d'esta especie en Zamora, Vall de Boí, Vallvidrera, Passanant, Abella de la Conca, Sant Serni, Espot, Gausac, Les, Les Bordes y Vielha, que en muitos casos podrían corresponder a Cervus elaphus, Capreolus capreolus u Sarrios.

A primerías d'o sieglo XX os zaguers puntos d'a peninsula on yera present yera os Monts de Toledo y a Cáceres. Lo tornoron a reintroducir en Aragón en l'anyo 1959 en l'aria d'o Moncayo a man de Tarazona; en l'anyo 1961 lo reintroducioron en a Defesa d'el Moncayo y en a Val d'Echo. A fins d'o sieglo XX lo han introdueito en uns quantos cotos privatos de caza en Aragón. A man d'Aragón se troba tamién en l'Alta Garona, en o Pallars, l'Alto Urchel, a Cerdanya y Navarra.

Bibliografía [editar]

Oscar Arribas. Fauna y paisaje en los Pirineos en la Era Glaciar. Lynx Ediciones. ISBN 978-84-87334-71-9