Copenaguen

De Biquipedia
Ir ta: navego, busca
Copenaguen
København
Localidat de Dinamarca
Escudo d'armas
Seu d'o concello de Copenaguen
Seu d'o concello de Copenaguen
Estato
 • Comuna
Flag of Denmark.svg Dinamarca
Copenaguen (København)
Superficie 455 km²
Población
 • Total
 • Densidat

1.181.239 hab. (2010)
2596 hab/km²
Localización de Copenaguen
http://www3.kk.dk/

Copenaguen ye a ciudat principal y más antiga d'o Reino de Dinamarca, y la capital d'o Estato danés.

Copenaguen ye a seu d'o Parlamento, d'o Gubierno y d'a Monarquía danesa, institucions ubicatas en o centro d'a ciudat.

Nombre d'a ciudat[editar | editar código]

Puerto de Copenaguen.

O nombre autoctono d'a capital danesa, København, procede de l'antigo nombre Købmandshavn, que en danés significa "puerto de mercaders", o que da ideya d'a suya posición estratechica en o mar Baltico.

O nombre d'a ciudat en a mayoría d'idiomas europeus deriba d'a denominación alemana, Kopenhagen. Asinas, l'anglés Copenhagen, o espanyol y francés Copenhague, o catalán Copenhaguen, o italiano Copenaghen u lo portugués Copenhaga.

Cheografía[editar | editar código]

Copenaguen se troba principalment en a costa oriental de l'isla de Zelandia u Sjælland, con una parte d'a ciudat sobre l'isla d'Amager. Enta l'Este, Copenaguen acara l'Øresund, o estreito de mar que desapara Dinamarca de Suecia, y que achunta lo Mar d'o Norte con o Baltico.

En a costa oposata, se troban as ciudatz suecas de Malmö y Landskrona.

O municipio de Copenaguen ye, chunto con o de Frederiksberg y o de Bornholm, un d'os tres que no perteneixen a garra comarca de Dinamarca.

A ciudat de Copenaguen se trestalla en 15 districtos clamatos bydele.

Copenaguen fa tamién parte d'a conoixita como rechión de l'Øresund, que abraca tota la parte oriental d'o Sjælland, en Dinamarca, y la parte occidental de Escania, en Suecia.

Población[editar | editar código]

L'aria metropolitana de Copenaguen, o Hovedstadsområdet, conta con 1.181.239 d'habitadors. D'ells, 528.208 (2010) residen en o municipio de Copenaguen, 96.718 (2010) en o municipio de Frederiksberg, 71.052 (2010) en o municipio de Gentofte y 485.261 en belaltros municipios amanatos.

Nyhavn, Copenaguen

A rechión de l'Øresund conta, en chunto, con 2.800.000 d'habitadors.

Historia[editar | editar código]

Copenaguen fue fundata probablement ta l'anyo 1000 per Svend I y lo fillo suyo, Canut O Gran. Estió sólo que un lugar de pescataires dica la metat d'o sieglo XII, quan se tornó más important en prener-ne posesión o bispe Absalón, que la fortificó en 1167. O sobrebuen puerto aduyó ta o creiximiento de Copenaguen, fendo-ne un gran centro de comercio en o norte d'Europa, o que daría o nombre a la ciudat. Ixo tamién contrebuyó a continos ataques per parte d'a Hansa u Ligallo Hanseatico.

De l'anyo 1658 a lo 1659, fue asitiata per os suecos en o reinato de Carlos X. En 1801, os barcos britanicos de l'almirant Parker combatioron contra l'armata danesa en o puerto de Copenaguen en a que se conoix como Batalla de Copenaguen. En 1807, a ciudat sofrió grans danyos y centenars de personas morioron en ser Copenaguen bombardeyata con codetes Congreve per parte d'os britanicos a fin que Dinamarca no reblase debant d'a flota de Napolión.

En a Segunda Guerra Mundial, Copenaguen y Dinamarca entera fueron ocupatas per tropas alemanas entre lo 9 d'abril de 1940 dica lo 4 de mayo de 1945. De l'inte que remató la guerra, a ciudat no ha deixato de creixer.

Dende lo verano de 2000, as ciudatz de Copenaguen e Malmö son comunicatas per un puent de peache, o Puent de l'Øresund, que premite de cruzar de Dinamarca ta Suecia igual per carretera como per ferrocarril. Fue enguerato en chulio de 2000 per o rei Carlos XVI Gustau de Suecia y a reina Margalida II de Dinamarca. En conseqüencia, Copenaguen ha esdevenito lo centro d'un aria metropolitana que abraca las dos nacions.

Bells puestos d'interés[editar | editar código]

Vinclos externos[editar | editar código]