Chaspre

Chaspre
Caracteristicas chenerals
Categoría:	Tectosilicatos
Clase:	Silicatos
Formula quimica:	SiO2
Propiedatz fisicas
Color:	Royenca, amarillenca, marrón, verde
Raya:	Blanca
Lustre:	Cerio
Transparencia:	Opaco a traslucido
Sistema cristalín:	Trigonal
Trencadura:	Concoidal
Dureza:	7

O chaspre u chaspe ye una variant d'a silica formata por grans fins de quarz. A diafanidat varía dende translucido en as marguins u cabos dica opaco. A color puet estar marrón, roya, amariella u verde.

A color royenca se debe a las impurezas d'hematites ixementatas.

Chacimientos

En Aragón se puet trobar chaspre royo en a redolada d'o [[Moncayo] dichós El Morrón dentro de vacuolas en as espillitas u en "La Torre d'Ambel". Tamien bi ha chaspre royo en Mesons d'Isuela. O chaspre negro (lidita) se troba en os almendrons d'as menas d'arambre de Biel y proceden d'a erosión d'os materials carbonifers d'o Pireneu axial. Tamién se troba lidita en Benabarre, Cierco y Ainzón.

Denominacions

En o sieglo XV s'escribiba jaspas en o peache de Uesca.

En o "Libro d'as Marabillas d'o Mundo" escriben jaspe u jaspre (en a ortografía de l'aragonés meyeval a j representaba o fonema africato d'o digrafo ch:

Et cadau(n)o trahe deua(n)t el vna tableta de jaspe diuoire o de xp(ist)al / o de mastic

Et los escalones a puyar vers el trono do el se asienta luno es donjce lotro de xp(ist)al / lotro de jaspre verde diaprada / lotro damatista / lotro de sardina

Et auia fecho faz(er) tres fue(n)tes beillas & nobles todas enujronadas de piedras de jaspre & de xp(ist)al orlados doro & de piedras p(re)ciosas & de p(er)las & auja fecho faz(er) conduites por de jus t(ier)ra si q(ue) aq(ue)llas .iij. fuentes q(u)ando eill q(ue)ria el fazia luna correr de leche lotra de vino lotra de miel

vna tabla quoadrada de oro con .xij. piedras preciosas & vna boita de jaspres con .vij. figuras delos nombres de n(uest)ro s(eynn)or de dentro & vna otra doro

Et ala siniestra p(ar)tida del sitio d(e)l emp(er)ador / es el setio de su p(r)im(er)a mug(er) vn escalon mas baxo que aq(ue)l de lemp(er)ador / et es de jaspe bordado doro como lotro & de piedras p(re)ciosas / Et el sitio dela segunda mug(er) es encora otro escalon mas baxo q(ue) la p(r)im(er)a / et es asi de jaspe bordado como lotro /

Et toda la vaxiella de q(ue) hombre sierue enlas salas & enlas cambras son de piedras p(re)ciosas / sp(eci)alme(n)t alas grandes tablas / o de jaspe / o de xp(ist)al / o de amatista / Et si ay tac[']as desmeraldas de saphires & de thopacio & de peridas & de muchas otras piedras

Et el ijo. millar es todo vestido de paynnos de jaspre & de seda vermella a oro orffreses & a p(er)la muy nobleme(n)t obrado

Bibliografía

• Walter Maresh, Olaf Mendenbach "Las Rocas" Guías de Naturaleza Blume. 1990.

Veyer tamién

• Calcedonia
• Quarz
• Pedrenya