Amatista
| Amatista | ||
|---|---|---|
 |
||
|
|
||
| Categoría: | Silicatos | |
| Clase: | Tectosilicatos | |
| Formula quimica: | SiO2 | |
|
|
||
| Color: | Viola. | |
| Raya: | Blanca. | |
| Lustre: | Vitrio. | |
| Transparencia: | Translucido | |
| Sistema cristalín: | Trigonal | |
| Trencadura: | Concoidal | |
| Dureza: | 7 | |
| Densidat: | 2,65 g/cm³ | |
| Punto de fusión: | 1650±75 ºC | |
L'Amatista u ametista ye una variedat d'o quarz, mineral d'o grupo d'os tectosilicatos. A suya color ye violeta u porpra y s'ha feito servir asobén como piedra preciosa. A color caracteristica suya se debe a la presencia de muito chicotas cantidatz de fierro (Fe+3) y s'ha formato sozmesos a [radiacions naturals]].[1]
A color d'as amatistas a vegatas no se troba que en as puntas d'os cristals (amatista de puntas), y ye freqüent a coloración en tacas. Qualques amatistas pueden destenyir-sen dica por contacto con a luz d'o día, pero a color puede restituir-se con rayos X. Torrando l'amatista a temperaturas entre 450 y 750ºC se consiguen quarzos de color amariella-clara, parda-royenca, verde u incolora.
[editar] Chacimientos
Se troban en os vueitos dentro d'as rocas volcanicas alcalinas, en grietas y placers. Os romans espleitaban l'amatista y l'agata d'o melafiro de Hunsrück (Alemanya), un chacimiento acotolato, y tamién de Müglihtal (Saxonia, Alemanya) y Auvernia. Dica fa pocos sieglos a valura economica de l'amatista yera comparable a la d'o zafir, a esmeralda, o rubí u o diamant, pero dende que se descubrioron os grans chacimientos d'Amatista en Brasil o suyo pre ha caito muito.
En o celebre chacimiento evaporitico de Los Pedrenyals (Zaila, Almochuel, Binazeit) ye present l'amatista chunto con a pedrenya.
[editar] Referencias
- ↑ Olaf Medenbach, Cornelia Sussieck-Fornefeld "Minerales" Guías de la naturaleza Blume. 1990.
[editar] Bibliografía
- Olaf Medenbach, Cornelia Sussieck-Fornefeld "Minerales" Guías de la naturaleza Blume. 1990.
