Arambre

De Biquipedia
Ir ta: navego, busca
Articlo d'os 1000
Arambre
NíquelArambreZinc
-

Cu

Ag
Cu-TableImage.png
Información cheneral
Nombre, simbolo, numero Arambre, Cu, 29
Serie quimica Metals de transición
Grupo, periodo, bloque 114, d
Color Arambre metalico
Cu,29.jpg
Peso atomico 63.546(3) g·mol−1
Configuración electronica [Ar] 3d10 4s1
Electrons por capa 2, 8, 18, 1
Propiedatz fisicas
Fase Solido
Densidat (a t.a.) 8.96 g·cm−3
Densidat en liquido en o p.f. 8.02 g·cm−3
Punto de fusión 1357.77 K
(1084.62 °C, 1984.32 °F)
Punto d'ebullición 2835 K
(2562 °C, 4643 °F)
Entalpía de fusión 13.26 kJ·mol−1
Entalpía de vaporización 300.4 kJ·mol−1
Calor especifica (25 °C) 24.440 J·mol−1·K−1
Presión de vapor
P/Pa 1 10 100 1 k 10 k 100 k
at T/K 1509 1661 1850 2089 2404 2834
Propiedatz atomicas
Estructura cristalina Cubica centrata en as caras
0.3610 nm
Estatos d'oxidación +1, +2, +3, +4
Electronegatividat 1.90 (escala de Pauling)
Enerchías d'ionización
(mas)
1ª: 745.5 kJ·mol−1
2ª: 1957.9 kJ·mol−1
3ª: 3555 kJ·mol−1
Radio atomico 128 pm
Radio atomico (calc.) 145 pm
Radio covalent 138 pm
Radio de van der Waals 140 pm
Atra información
Ordenación magnetica Diamagnetico
Resistividat electrica (20 °C) 16.78 nΩ·m
Conductividat termal (300 K) 401 W·m−1·K−1
Dilatación (25 °C) 16.5 µm·m−1·K−1
Velocidat d'o sonito (t.a.) 3810 m·s−1
Modulo d'elasticidat 110 - 128 GPa
Mod. elast. transversal 48 GPa
Modulo de compresión 140 GPa
Coeficient de Poisson 0.34
Dureza Mohs 3.0
Dureza Vickers 369 MPa
Dureza Brinell 874 MPa
Numero CAS 7440-50-8
Isotopos mas estables
iso AN Vida MD ED (MeV) PD
63Cu 69.15% 63Cu ye estable con 34 neutrons
65Cu 30.85% 65Cu ye estable con 36 neutrons

L'arambre ye un elemento quimico de numero atomico 29. Ye un d'os metals más importants. Se tracta d'un metal de transición de coloración royenca y brillo metalico que, chunto con l'archent y l'oro, fa parti d'o dito grupo 11 d'a tabla periodica, caracterizato porque son os millors conductors electricos. Gracias a la suya alta conductividat electrica, ductilitat y maleabilidat, s'ha convertito en o material mas emplegato ta fabricar cordons electricos y atros components electricos y electronicos.

L'arambre fa parti d'una cantidat muit alta d'aleyacions que por un regular presentan millors propiedatz mecanicas, encara que tienen una conductividat electrica menor. As mas importants son conoixitas con o nombre de bronzes y latons. D'atra man, l'arambre ye un metal duradero porque se puet reciclar un numero quasi ilimitato de vegatas sin que pierda as suyas propiedatz mecanicas.

Arambre

Estió un d'os primers metals en estar emplegatos por o ser humán ya en a prehistoria. L'arambre y a suya aleyación con l'estanyo, o bronze, adquirioron tanta importancia que os historiadors han nombrato Edat de l'arambre y Edat d'o bronze a dos periodos de l'antigüidat. Encara que o suyo uso perdió importancia relativa con o desembolique d'a siderurchia, l'arambre y as suyas aleyacions continoron estando emplegatos ta fer obchectos tan diversos com monedas, campanas y canyons. A partir d'o sieglo XIX, concretament a partir de 1831, anyo en que Faraday inventó o chenerador electrico, l'arambre se convertió atra vegata en un metal estratechico, en estar a materia primera prencipal de cordons y instalacions electricas.

L'arambre tien un important papel biolochico en o proceso de fotosintesi d'as plantas, encara que no fa parti d'a composición d'a clorofila. L'arambre contrebuye a la formación de globulos royos y a o mantenimiento d'os vasos sanguinios, niervos, sistema immunolochico y osio y por tanto ye un oligoelemento esencial ta a vida humana.[1]

L'arambre ye o tercer metal mas emplegato en o mundo, por dezaga de l'acero y l'aluminio. A producción mundial d'arambre refinato s'estimó en 15,8 Mt en 2006, con un deficit de 10,7% debant d'a demanda mundial prochectata de 17,7 Mt.[2]

Denominacions[editar | editar código]

A forma tradicional en aragonés ta decir a iste elemento ye arambre. Encara se puet trobar una ampla zona dende Graus, Campo, Benás y Fonz dica Sobrarbe y Ansó a on que se fa servir ista parola, encara que muitas vegatas referita no a o propio elemento sino a un filo metalico en cheneral. Ista forma se puet leyer tamién tanto en textos medievals como mudernos, asinas en o Vidal Mayor apareixe "arampne". En l'aria catalanofona d'Aragón, en lugars como Peralta de la Sal se quaterna a forma "aram" y en as zonas mugants con a val de Lierp "arame".[3]

Actualment a formas mas conoixita y transdialectal ta o nombre d'iste elemento ye cobre, de seguras debito a la castellanización, habendo-se rechistrato tamién a forma "crobe" como metatesi d'a forma castellana en lugars como Epila y Taust.[3]

Vinclos externos[editar | editar código]

Referencias[editar | editar código]

  1. (es) Enciclopedia de Ciencia y Técnica. Tomo 4 Cobre. Varios autores. Salvat Editores S.A (1984) ISBN 84-345-4490-3
  2. (es) Informes sobre producción mundial d'arambre refinato. Cochilco Chile.
  3. 3,0 3,1 Francho Rodés Orquín. "Proposa d'una metodolochía lesicolochica de l'aragonés estándar ta zenzias esperimentals con un exemplo: a tabla periodica d'os elementos" Luenga & Fablas 8-9 (2004-2005) ISSN 1137-8328