Batalla de Grunwald

De Biquipedia
Ir ta: navego, busca
Iste ye un articlo sobre a batalla de Grunwald u batalla de Tannenberg en 1410; ta atros usos, se veiga Batalla de Tannenberg (desambigación).

Plantilla:Guerra polaco-lituana-teutonica

Batalla de Grunwald
[[]]
Matejko Battle of Grunwald.jpg
A batalla de Grunwald, en un quadro de Jan Matejko.
Información cheneral
Calendata: 15 de chulio de 1410
Puesto: En as planas entre Tannenberg y Grunwald (Prusia Oriental, hue Stębark, en a Voivodia de Varmia y Masuria, Polonia)
Resultato: victoria decisiva d'a Unión Polaco-Lituana.
En conflicto
Insignia Germany Order Teutonic.svg Orden Teutonica Unión Polaco-Lituana:
Herb Polski.svg Polonia
Coat of arms of Lithuania.svg Lituania
Comandants
Insignia Germany Order Teutonic.svg Ulrich von Jungingen, Gran Mayestre d'a Orden Teutonica (†)
Insignia Germany Order Teutonic.svg Konrad von Lichtenstein, Gran Comendador d'a Orden Teutonica (†)
Insignia Germany Order Teutonic.svg Thomas von Merem, Tresorero d'a Orden Teutonica (†)
Insignia Germany Order Teutonic.svg Friedrich von Wallenrod, Mariscal d'a Orden Teutonica (†)
Herb Polski.svg Ladislau II Jogaila (Rei de Polonia)
Coat of arms of Lithuania.svg Vitautas o Gran (Gran Duque de Lituania)
Soldatos
50.000 soldatos 100.000 soldatos
Baixas
20.000 muertos, encluyendo-ie 200 Caballers Teutonicos, con os prencipals dirichents d'a Orden, encluyendo-ie o suyo Gran Mayestre 40.000 muertos

A Batalla de Grunwald (tamién conoixita con quantos atros nombres) estió una batalla escaicita o 15 de chulio de 1410 mientres a Guerra polaco-lituana-teutonica en as planas entre Tannenberg y Grunwald (Prusia Oriental, hue Stębark, en a Voivodia de Varmia y Masuria, Polonia), en a quala luitoron, d'una man, a Orden Teutonica y, d'atra man, una coalición d'a Unión Polaco-Lituana (Polonia y Lituania) con tartres y mercenarios procedents de Bohemia.

Qui manaba as tropas d'a Orden estió o suyo Gran Mayestre, Ulrich von Jungingen; y qui manaban as tropas polaco-lituanas estioron Ladislau II Jogaila (rei de Polonia) y Vitautas o Gran (Gran Duque de Lituania). A batalla remató con a redota de raso d'a Orden Teutonica, morindo-ie no nomás o Gran Mayestre sino tamién 200 Caballers y una parte important d'o suyo nuclio dirichent. Antiparte, en Lituania existe una chicota minoría etnica de tartres, ditos tartres de Lituania‎, que se diz que ye fácil que sigan os descendients d'os que luitoron chunto con lituans y polacos en a batalla de Grunwald.

O nombre d'a batalla[editar | editar código]

A batalla tien una gran multiplicidat de nombres. O nombre más emplegato en a historiografía occidental ye batalla de Grunwald emplegando o nombre en polaco d'uno d'os dos puestos amanatos á o lugar d'a batalla, Grunwald, pero gosa emplegar-se tamién mal escrito, como batalla de Grünwald (ixo s'escayece a sobén en a historiografía en castellán, fácil que por malinterpretar que ye un toponimo alemán). No gosa emplegar-se o nombre con a versión alemana del toponimo, batalla de Grünfelde, en estar ista una linia historiografica d'orichen polaco que plega á o resto d'Europa a traviés de Francia.

En a historiografía alemana se prene como nombre d'a batalla o nombre en alemán de l'atro lugar amanato a o puesto a on s'escaició a batalla, Tannenberg, ta decir-se asinas batalla de Tannenberg. No gosa emplegar-se a versión polaca d'o toponimo, que sería batalla de Stębark. Ista denominación no ye prou estendillata en a historiografía europea, en poder-se confundir a más con facilidat con a batalla de Tannenberg mientres a Primera Guerra Mundial. Qui sigue ista linia historiografica muit minoritaria (a nivel europeu) charra de vegatas de Primera batalla de Tannenberg ta esferenciar-las.

Ta rematar, en a historiografía lituana se puet trobar citata como batalla de Zalgiris.

Curiosidatz[editar | editar código]

  • En a memoria colectiva alemana a Batalla de Grunwald deixó tan mal recuerdo que quan a ocupación alemana os nazis desfacioron o monumento conmemorativo d'a batalla de Grunwald de Cracovia, actualment reconstruito.
  • Se crei que os tartres que participoron en a batalla de Grunwald se quedoron en a muga de Polonia y Lituania y esto explicaría l'orichen d'os actuals tartres de Lituania, ixemenatos entre Polonia, Lituania y Belarrusia.

Vinclos externos[editar | editar código]