Jan Matejko

De Biquipedia
Ir ta: navego, busca
Jan Matejko
Autorretrato (1892), Museu Nacional de Varsovia
Autorretrato (1892), Museu Nacional de Varsovia
Información personal
Calendata de naixencia: 28 de chunio de 1838
Puesto de naixencia: Flag of Krakow.svg Cracovia (Ciudat libre de Cracovia)
Calendata de muerte: 1 de noviembre de 1893
Puesto de muerte: Flag of Austria-Hungary (1869-1918).svg Cracovia (Imperio Austro-hongaro)
Conchuche: Teodora Giebułtowska (1864-

Jan Matejko, naixito de Cracovia (Ciudat libre de Cracovia) o 28 de chunio de 1838 y muerto en Cracovia (Imperio Austro-hongaro) o 1 de noviembre de 1893, estió un pintor polaco, considerato como uno d'os principals representants d'a Pintura en Polonia, y que asobén fació as suyas obras sobre feitos d'a Historia de Polonia u sobre as grans presonalidatz polacas.

Antecedents familiars[editar | editar código]

Jan Matejko yera fillo de Franciszek Ksawery Matejko, que yera de Hradec Králové, una localidat de Bohemia, que heba plegato a la ciudat de Cracovia ta estar profesor de Musica. En Cracovia casó con Joanna Karolina Rossberg, que feba parte d'una familia d'a burguesía polaco-alemana d'a ciudat. Jan yera o uiteno fillo d'os 11 que teneba o matrimonio.

Por o suyo talento y habilidatz en as Artes plasticas, Matejko continó os suyos estudeyos, encara que con muitas dificultatz ta atras materias. Asinas, mai no aprendió denguna luenga forana u mesmo teneba problemas ta charrar bien o polaco. Por ixo no li cuacaba charrar en publico.

A suya ciudat mientres a suya vida[editar | editar código]

Quan Matejko naixió, a ciudat de Cracovia yera un estato independient, dito Ciudat libre de Cracovia, repui d'o antigo estato polaco d'o Reino de Polonia y d'a Republica d'as Dos Nacions luego d'as Particions de Polonia, que heba creyato en 1815 o Congreso de Viena dimpués d'as Guerras napolionicas. Ixe estato yera a seu d'a Universidat Jaguellonica, que en ixas envueltas recebiba estudiants de tot l'antigo territorio polaco, y a Ciudat Libre de Cracovia yera asinas o zaguer lugar a on encara yera present ubiertament o nacionalismo polaco.

En a dita Sublevación de Noviembre (1830-1831) d'os polacos contra o dominio austro-ruso-prusián, Cracovia estió a base de suministros ta os patriotas polacos que heban proclamato a independencia d'o dito Reino d'o Congreso (o territorio chusmeso a o control ruso dende o Congreso de Viena). Asinas, en ser redotata ista sublevación, se redució a sobiranía d'a Ciudat Libre de Cracovia, ocupata melitarment en 1836-1841 por o Imperio austriaco. Quan en 1846 a ciudat se sublevó contra os ocupants austriacos, istos reprimioron a sublevación y s'anexionoron a ciudat o 16 de noviembre de 1846.

A suya formación artistica[editar | editar código]

Matejko dentró en 1852 en a Escuela de Bellas Artes de Cracovia (encara que con a oposición d'o suyo pai), a on fació a suya formación artistica dica 1858.

A suya familia[editar | editar código]

Jan Matejko casó en 1864 con Teodora Giebułtowska, y tenioron 4 fillos, a más d'unatro que morió de nin.

Caracteristicas d'a suya obra[editar | editar código]

A obra de Matejko se troba muit influita por as circunstancias politicas d'o suyo país y d'a suya ciudat, y cal parar cuenta d'a importancia en ixa obra d'o nacionalismo polaco. Asinas, Matejo estió o creyador d'a representación plastica d'ixe nacionalismo, forzando a realidat (asinas, en os suyos quadros amaneixen a vegatas presonaches que no estioron en a scena que pinta), porque miraba de fer una sintesi historica y filosofica millor que pintar nomás un simple feito historico.

Quan morió, Matejko fue apedacato en o Cementerio Rakowicki de Cracovia.

Obras importants[editar | editar código]

Disciplos[editar | editar código]

Vinclos externos[editar | editar código]

Commons-logo.svg
Se veigan as imáchens de Commons sobre Jan Matejko.

Galería[editar | editar código]

Copérnico
Stańczyk
A batalla de Grunwald
Homenache prusiano
L'adoción d'a Constitución d'o 3 de mayo de 1791
O sermón de de Skarga
Báthory en Psków
A Unión de Lublín