Torrent

Iste articlo ye sobre una corrient d'augua en una zona montanyosa; ta atros usos, se veiga Torrent (desambigación)

Torrent pirenenco a man d'o puerto de Tosas. Se i puet veyer a compleganza de recepción, a canal de desaugüe y o cono de dechección.

Un torrent ye una corrient d'augua en una zona montanyosa, con fuertes pendients, caudal irregular y que puet tener gran capacidat d'erosión. Ye un termin muito emplegato tanto en hidrografía y cheomorfolochía, como en o campo més cheneral d'a cheografía fisica. A sobén se fa servir como sinónimo de barranco encara que este zaguer termino pareix tener una relación més estreita con o cauz d'un torrent que con a corrient fluvial suya. Tamién se fa servir muito a sobén, sobre tot en a parte oriental d'a peninsula Iberica o termin d'orichen arabe rambla, que s'ha de considerar un tipo especial de torrent tipico d'o clima mediterranio.

Partz d'un torrent

As partes tipicas d'un torrent son:

• Compleganza de recepción, on se recullen as auguas mientres as plevias, tiene forma d'embasador.

• Canal de desaugüe, on o cauz se fa més estreito y profundo, al acentuar-se a erosión vertical. Forma una val en "V" tipica quan o suyo orichen ye exclusivament fluvial.

• Cono de dechección u ventallo aluvial, on s'acumulan os sedimentos (bloques, ruellos de glera, grava, arena) carreyatos por as auguas d'o torrent mientres l'aguaduito, que s'acumulan en forma de ventallo quan plegan a zonas de menor pendient, por un regular, en o fondo d'a val principal. Puede intuir-se o cambio brusco de pendient on encomienza o cono de dechección.

Tipos de torrents

• Torrents de deschelo.
• Torrents d'a compleganza alta d'un río u Garonas.
• Torrents mediterranios u Ramblas.

Toponimia

Toponimos relacionatos con os torrents son Terrient en a Sierra d'Albarrazín y Torrent de Cinca en o Baixo Cinca.