Aragonés aisino

Aisino
Variedat de l'aragonés
Localización cheografica
Territorios	Val d'Aísa
Lugar(s) principal(s)	Aísa, Esposa y Sinués
Sociolochía
Vitalidat	Muit-Baixa
Literatura
Escritors principals	Chusé Gracia

L'aisino ye una parla local aragonesa charrata en a val d'Aísa (Aísa, Esposa y Sinués).

Ye pareixito y intermeyo entre l'aragüesino y o chaqués.

Fonetica

• Por o menos en Aísa y Esposa se diz uerdio en cuenta de hordio de l'aragonés cheneral, coincidindo con o cheso.
• A x se conserva peyor que en Aragüés de lo Puerto, puede pasar a ch por cheada como en o Semontano: bucho, u puede pasar a j: cajico, (como en o castellán de Robres en os Monegros).
• Existen casos de castellanización d'a ll, pero se mantién bien en: traballo, mellor, cullar.

Morfolochia

• L'articlo ye como en aragonés cheneral: o, os, as, os., igual que en o Semontano d'Ayerbe se contraye con preposición: d'o, d'a, n'o, n'a, t'o, t'a.
• A -tz de segunda presona plural se conserva mal: creyéis en cuenta de creyetz.
• O pasato indefinito tiene desinencias con -o como en tensino: pagomos, (paguemos), cantotz, (cantetz),
• En a tercera presona plural ye en -oron nomás que en a 1ª conchugación: cantoron, pero en a 2ª y 3ª personas coexisten a forma chesa -ieron con a cheneral -io(ro)n: salieron, partioron, riyeron, faboreción.
• En os verbos irregulars con -i en a primera persona present, trobamos esta -i en yo foi, pero no en yo vó.
• Existen, como en o Sobrarbe se troban "perfectos fuertes": fízon, trújon.

Lexico

• Son palabras diferents a las de Aragüés de lo Puerto y Chasa: barza, billuarta, (argüella), becerro. Ye una d'as pocas zonas d'Espanya que conserva una palabra d'orichen latino pa clamar a o taxugo: melón, (como en asturleyonés y castellán d'o norte; melandro).