Turiasu

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Turiasu
Ciudat celtibera
Entidat  • País	Ciudat Celtiberia
Coordenadas	41°54’ 0’’N 1°43’58’’U
Habitants	Celtibers
Pueblo	Lusons
Provincia	Hispania Tarraconense
Actual	Tarazona
Periodo	Sieglos II-I ac

Turiasu (en escritura iberica , en latín Municipivm Turiaso) estió una ciudat celtiberica, perteneixient a la etnia d'os lusons que cudió moneda en os sieglos II-I ac. O suyo nombre se conservó en epoca romana en o municipio de Turiaso, l'actual Tarazona (Zaragoza). Se desconoixe a localización exacta d'o enclau en epoca celtiberica, encara que habió d'estar situau en o municipio de Tarazona u en bel lugar d'a redolada como La Orunya (Vera de Moncayo).

Trobos arqueolochicos

Se conoixen dos teseras d'hospitalidat en as que apareixe o nombre d'a ciudat, encara que o enclau ye conoixiu mas que mas por a suya producción de moneda, realizada en os sieglos II-I aC. A cudición d'o taller encluyó a o menos seis series d'emisiones en archent y bronce que se facioron alto u baixo entre o 140 aC y o 70 aC. Entre todas ellas destaca a emisión de denarios con os signos ka-s-tu en l'anverso que constituye una d'as produccions de mayor importancia d'o periodo republicano en Hispania.

A leyenda d'o reverso, feba servir o signario ibero, presentando-se invariablement en todas as emisions baixo a mesma forma, turiazu. Os disenyos de monedas d'o taller de turiazu incluyen disenyos a-saber-lo variaus. En os anversos o tipo mas habitual estió o tozuelo masculín. Amás s'emplegoron puntualment un tozuelo en metatz y un retrato de Marte en uns quinarios que fue copiau d'una emisión de denarios republicanos de l'anyo 103 aC. Os reversos ofreixen mayor variedat de tipos. A producción d'o taller prencipió con un chinete con gancho que pronto fue sustituyiu por a representación d'un chinete lancero en denarios y unidaz. Os divisors aportoron un repertorio mas amplo con disenyos como un caballo, un chinete desprovisto d'atributos y chinetes acompanyaus d'un segundo caballo portiando una corona u una palma.

Una d'as qüestions mas debatidas en relación con a producción d'iste taller ye aquella relativa a la función que desempenyoron as suyas emisions. As suyas series de bronce estioron relativament modestas y pareixen relacionar-se con un abastecimiento local de numerario destinau a satisfer as necesidaz mas inmediatas d'a propia ciudat. Manimenos a suya producción d'archent estió d'una envergadura desproporcionada pa un ambito ciudadán por lo que pareixe que han de guardar bel tipo de relación con qüestions de mayor importancia como o pago d'impuestos u a financiación d'exercitos. O mayor problema consiste en dilucidar o grau d'intervención romana en iste proceso, ya que as emisions pareixen estreitament relacionadas con a suya presencia.

Bibliografía

• (es) La ceca de Turiazu. Monedas celtibéricas en la Hispania republicana. Manuel Gozalbes Fernandez de Palencia. Valencia, Serie de Trabajos Varios de SIP nº 110, 2009. ISBN 978-84-7795-545-0

• Datos: Q6153902