Lusons
| Lusons (†) Lusones | ||||||
|---|---|---|---|---|---|---|
|
| ||||||
| ||||||
| Celtibero | ||||||
| Lutia, Bursau, Turiasu, Caravis | ||||||
| Atros pueblos celtibers como belos u titos | ||||||
 Lusons en Celtiberia | ||||||
Os lusons (en latín lusones, en griego Λούσωνες) estioron un antigo pueblo celtibero, localizau en l'alto Tajuña, a o noreste de Guadalachara, y seguntes Estrabón en as fuents de l'Ebro y o Tacho.
Se creye que a ciudat de Lutia yera a suya capital, estando as suyas ciudatz más importants:
- Bursau: Citada por Claudio Ptolomeu. Cude en bronze entre o II-I a. C.
- Turiasu: ye a ciudat más important obtenindo estatuto municipal con Augusto. Tien una ceca important, cude primero en bronze con leyenda celtiberica dende II-I a. C., dimpué en latín y a o final a moneda imperial.
- Caravis: a l'ueste de Caesaraugusta. Emite en bronce d'o II-I a. C. Tien una cantidat important de ceramica celtiberica. Presenta restas d'incendios, desapareixe en as guerras celtibericas.
Economía[editar | modificar o codigo]
Por estar asentaus en a mesma zona que os titos y belos, a suya economía poseye as mesmas caracteristicas. Se basaba en l'agricultura, encara que tamién s'adedicaban a la ganadería y desembolicoron una industria metalurchica con o mineral de fierro d'as menas de Moncayo, amás de disponer de chicotas cantidatz d'oro en o río Xalón. Plinio o Viello apondera as armas fabricadas aquí. De producción d'archent quasi no bi ha noticias.
Cautivaban hordio, cerials y oliveras. En a ganadería se da a cría de tocins, crabas y uellas. Como ye rica a ganadería, se da una industria textil prospera, fabrican o sagum, emplegau como vestiu y tamién como tributo.
A suya ceramica ye caracterizada por temas decorativos a bandas con cerclos y semicerclos.
Relichión[editar | modificar o codigo]
Quasi no bi ha información, por lo que tenemos que fer una gollada a la epigrafía. No ye fácil conoixer a función de cada divinidat, ya que puet haber distintos nombres pa una mesma. Mos trobaremos belunas que son pancelticas.
Divinidatz:
- Mercurio: relacionada con una divinidat gala, será o conductor d'as almas.
- Matres: divinidatz femeninas relacionadas con a maternidat, a fecundidat y o luto d'a guerra. O suyos epitetos son puestos de ríos, nombres de tribus u localidatz.
- Epona: divinidat panceltica relacionada con a fertilidat, as auguas y os funerals.
- Sucello: divinidat infernal gala, s'ha visto por a ceramica indichena. Cuerpo antropomorfo a vegadas acompanyau d'animals.