Marte (mitolochía)
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre o dios romano Marte, ta atros usos d'iste termin se veiga Marte.
| Marte | |
|---|---|
 Marte | |
'
| |
| Mitolochía: | Mitolochía romana |
| Dios de: | d'a guerra |
| Pai: | Chupiter |
| Mai: | Chuno |
| Conchuche: | Rhea Silvia |
| Fillos: | Rem, Romulo, Picus, Formido y Cupido |
| Relacionau con: | Ares |
| Animal: | Lobo y a purput |
| Simbolo: | un casco, un escudo, una lanza y una torcha |
Marte (en latín Mārs) yera, en a mitolochía romana, o dios d'a guerra, fillo de Chupiter en forma de flor y de Chuno. Se le representaba como a un guerrero con armadura y con un hielmo. Tenió dos fillos con Venus: Fuga y Timor (respectivament Deimos y Fobos t'os griegos).
O dios Marte provien d'o Ares griego de Tracia, an o suyo culto no yera muit difundiu, y no teneba repercusions morals u socials. Ya existiba, sindembargo, ista deidat en Atenas, an teneba un templo en o Areopago (en griego, "tozal d'Ares"). Antes d'a guerra se le ofriban sacrificios, y amaneixeba en as batallas acompanyau por a diosa guerrera Belona (que o suyo nombre deriva de l'italico arcaico Duellona), una divinidat orichinalment sabina, de nombre Nerio, que por unatra vía fue identificada mes tarde con Minerva. Levaba un casco, un escudo, una lanza y una torcha, por la qual cosa tamién s'identificó erroniament con a diosa Enio, divinidat griega d'a guerra, filla d'a chermana melguiza d'Ares, Eris diosa d'a discordia.
Marte dio nombre a la quatrena planeta d'o sistema solar: Marte, a o segundo (u tercer seguntes qualques relichions, calandario u rechions como en EE.UU.) día d'a semana: Martes y a o mes de l'anyo: Marzo.
En Galia o dios Marte s'asimiló con ciertas divinidatz galas autoctonas orichinando un important culto a un Marte galorromano. En Hispania a divinidat autoctona Neton s'asimiló a Marte.
En os textos medievals aragoneses se fa mención de Marte con o suyo nominativo en latín Mars.
