Triple muga

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Vaalserberg: triple muga entre Alemanya, Países Baixos y Belchica.

Una triple muga ye un punto cheografico a on se chuntan as mugas terrestres de tres países u entidatz subnacionals. Cheneralment se considera que bi ha 157 triples mugas internacionals, por un regular sinyaladas con fitas especials u molimentos.

Mientres mas países vecins tienga una nación, gosa tener más triples mugas. China con catorce y Rusia con dotze d'ellas encabezan a lista. En Europa, Austria en tien nueve. Países insulars como Madagascar y Chapón no'n tienen, ya que tampoco tienen mugas terrestres. Asinas tamién, os países como Portugal y Dinamarca, que nomás mugan con un atro estau, tampoco no tienen triples mugas. Estaus Unius, a tamas de tener dos países vecins, tampoco no tiene triples mugas, encara que si bi'n ha entre os suyos estaus.

Triples mugas d'Aragón

Aragón muga con atros 6 países: Catalunya, País Valenciano, Castiella, Navarra, A Riocha y Occitania. Bi ha un total de 8 triples mugas entre Aragón y atras entidatz cheograficas y a-saber-las mas a livel municipal.

Nombre	País 1	País 2	País 3	Coordenadas
Meseta d'os Tres Reis	Aragón	Navarra	Occitania	42°55′12.8″N 0°43′28.4″U
	Aragón	Occitania	Catalunya	42°36′41.4″N 0°46′1.1″E
Tozal d'els Tres Reis	Aragón	Catalunya	País Valenciano	40°43′58.3″N 0°10′14.6″E
	Aragón	País Valenciano	Castiella	39°58′18.7″N 1°08′32.5″U
	Aragón	Castiella	País Valenciano	40°00′36.4″N 1°09′54.7″U
Cruz de Tres Reinos	Aragón	País Valenciano	Castiella	40°08′43.2″N 1°26′55.8″U
	Aragón	Castiella	A Riocha	41°57′59.1″N 1°51′23.6″U
Mollón de los Tres Reyes	Aragón	A Riocha	Navarra	42°00′28.8″N 1°50′49.9″U

A más existen tres triples mugas más con entidatz administrativas actuals aintro de Castiella y Occitania.

Nombre	Entidat 1	Entidat 2	Entidat 3	Coordenadas
Pico de Palas	Aragón	Nueva Aquitania	Rechión Occitania	42°50′57.8″N 0°18′48.3″U
	Aragón	Rechión Occitania	Val d'Arán	42°41′27.5″N 0°39′36.3″E
Tres Mojones	Aragón	Castiella-La Mancha	Castiella y Leyón	41°08′48.8″N 2°03′06.1″U

Se veiga tamién

• Muga