Toscar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un toscar[1] ye un puesto a on precipita carbonato calcico sobre la vechetación producindo-se una acumulación superficial d'esta substancia, resultando la formación d'una roca calsinera travertinica con foratos dita piedra tosca, tova travertinica u tova calsinosa.
Las tovas calsinosas son concrecions calsinosas formadas por la precipitación de lo carbonato calcico que leva disuelto un río u l'augua de sale d'una surchencia karstica sobre la vechetación que se troba en la superficie. Las plantas y algas prenen lo dioxido de carbonio disuelto en l'augua pa fer la fotosintesi, lo que fa que lis precipite en la suya superficie lo carbonato calcico en forma de lamas concentricas. Cuan los vechetals mueren quedan los foratos correspondients a tallos, brancas, peciolos, ecetra en meyo d'una masa de carbonato calcico, por lo que la roca ye esponchosa y liuchera. La vechetación muerta ye substituyida por atra que tamién se petrificara. D'esta traza se forman grans acumulacions de tovas, los torcars, que creixen indefinidament, y se pueden formar saltos d'augua.[2]
Toponimia
[editar | modificar o codigo]En Aragón bi ha microtoponimos relacionaus con los toscars, tanto en zonas historicament aragonesoparlants como en zonas catalanoparlants, presentando-se variants con sufixo -ar u d'atros. En la Val de Tena tenemos lo Pico Tosquera, en Ribagorza tenemos Lo Toscar y lo macrotoponimo Foradada d'el Toscar, en Aldeyuela tenemos Masía de la Tosca, y en Beceit La Tosquera. Tamién trobamos esta clase de microtoponimos en Catalunya, como por eixemplo Lo Toscar en Sapeira (Tremp). En los toscars se fan pedreras pa espleitar la "piedra tosca" u tova travertinica, que se fa servir tradicionalment pa construir chamineras u pa limpiar.
Entre Torres y Chuseu trobamos lo toponimo La Tosquiella, cognato de lo microtoponimo Tosquiasa en Bonansa, y de La Tosquilla actualment en La Iglesuela. Estos toponimos pueden amagar un orichen a partir de La Tosqueta por cambio de sufixos que se confunden con diminutivos, que ye un fenomeno frecuent en toponimia catalana encara que no guaire en toponimia aragonesa.
Referencias
[editar | modificar o codigo]- ↑ Fernando Blas Gabarda, Fernando Romanos Hernando Diccionario aragonés. chistabín-castellano pp 498. Ainas. Gara d'edizions, 2008
- ↑ (es) Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990.
|
|||||||||
