The Lord of the Rings: The Fellowship of the Ring
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
The Lord of the Rings: The Fellowship of the Ring (en aragonés O Sinyor d'os Aniellos - A Comunidat de l'Aniello), ye una cinta de cine d'aventuras fantasticas estausunidense de l'anyo 2001, dirichita por Peter Jackson seguntes un guión d'él mismo, Fran Walsh y Philippa Boyens (basato en O Sinyor d'os Aniellos de J.R.R. Tolkien) con una banda sonora orichinal de Howard Shore, una dirección de fotografía de Andrew Lesnie y un producción de Peter Jackson, Barrie M. Osborne, Tim Sanders y Fran Walsh ta New Line Cinema, con una durada de 178 minutos, que estió un important exito cinematografico. Entre atros actors, partecipan en a cinta Elijah Wood, Ian McKellen, Viggo Mortensen, Liv Tyler, Sean Astin, Cate Blanchett, Orlando Bloom y Christopher Lee; a cinta recibió cuatro premios. Tenió continación en a cinta The Lord of the Rings: The Two Towers.
Reparto
[editar | modificar o codigo]- Elijah Wood en o papel de Frodo Baggins
- Ian McKellen en o papel de Gandalf
- Viggo Mortensen en o papel de Aragorn
- Liv Tyler en o papel de Arwen
- Sean Astin en o papel de Samvise Gamgee
- Cate Blanchett en o papel de Galadriel
- Orlando Bloom en o papel de Legolas
- Christopher Lee en o papel de Saruman
- Hugo Weaving en o papel de Elrond
- Sean Bean en o papel de Boromir
- Ian Holm en o papel de Bilbo Baggins
- John Rhys-Davies en o papel de Gimli
- Billy Boyd en o papel de Peregrino Tuc
- Dominic Monaghan en o papel de Meriadoc Brandibuck
- Sala Baker en o papel de Sauron
- Andy Serkis en o papel de Gollum
- Marton Csokas en o papel de Celeborn
- Craig Parker en o papel de Haldir
- Mark Ferguson en o papel de Gil-Galad
- Lawrence Makoare en o papel de Lurtz
- Harry Sinclair en o papel de Isildur
- Peter McKenzie en o papel de Elendil
- Sarah McLeod: en o papel de Rose 'Rosie' Cotton
Argumento
[editar | modificar o codigo]En a Segunda Edat d'a Tierra Meya, os sinyors d'os Elfos, os Nanos y os Hombres reciben aniellos de poder. Sin saber-lo, o Sinyor Fosco Sauron forcha l'Aniello Unico en o Mont d'o Destín, infundindo en él una gran parti d'o suyo poder pa dominar, a traviés d'él y a distancia, os atros Aniellos, pa que pueda conquerir a Tierra Meya. Una zaguera alianza d'hombres y elfos luita contra as fuerzas de Sauron en Mordor, an o principe Isildur de Gondor curta lo dido de Sauron, y l'Aniello con él, destruyindo asinas a suya forma física.
Con a primera redota de Sauron, prencipia a Tercera Edat d'a Tierra Meya. Desafortunadament, l'influxo de l'Aniello corrompe a Isildur, y, en cuenta de destruyir l'Aniello, Isildur lo prene pa él mesmo. Isildur ye dimpués asasinau per os Orcos, y l'Aniello se pierde per 2500 anyos, dica que ye trobau per Gollum, qui lo poseye per cinco sieglos. L'aniello ye trobau per un hobbit clamau Bilbo Baggins.
Sesenta anyos mas tardi, Bilbo celebra o suyo 111 cumpleanyos en a Comarca, reunindo-se con o suyo viello amigo, Gandalf lo Griso. Bilbo revela que tien l'intención de deixar a Comarca pa una zaguera aventura, y deixa lo suyo herencio, incluyiu l'Aniello, a lo suyo sobrino, Frodo. Encara que Bilbo ha prencipiau a corromper-se per l'Aniello y fa un poder pa alzar-lo pa él mesmo, Gandalf interviene. Gandalf, sospitoso de l'Aniello, le diz a Frodo que lo mantienga en secreto. Gandalf dimpués investiga l'Aniello, descubre a suya verdadera identidat y torna a avisar a Frodo. Gandalf tamién s'entera de que Gollum estió torturau per os orcos y que pronunció dos parolas mientres a suya tortura: "Comarca" y "Hobitton". Gandalf instruye a Frodo pa que abandone la Comarca, acompanyau per o suyo chardinero Samwise Gamgee.
Gandalf viacheya a Isengard pa reunir-se con o suyo bruixón Saruman lo Blanco, pero s'entera que s'ha uniu a Sauron, qui ha ninviau a los nueu Nazgûl pa trobar a Frodo. Dimpués d'una breu batalla, Saruman vence y engarchola a Gandalf. Frodo y Sam s'unen a los suyos companyers hobbits, Merry y Pippin, y evaden a los Nazgûl, plegando a Bree, an son destinaus a trobar-se con Gandalf. Manimenos, Gandalf nunca plega, y en o suyo puesto son aduyaus per un guarda forestal clamau Garradas, un amigo de Gandalf, que os acompanya a Rivendell.
Os hobbits sufren una emboscada d'os Nazgûl en Weathertop, an o suyo lider, o Rei Bruixón, apunyala a Frodo con una espada Morgul maldita. Arwen, una elfo, y Garradas acuden en aduya de Frodo, lo rescatan y incapacitan a los Nazgûl. Ella lo leva a Rivendell pa curar-lo. Frodo se troba con Gandalf, qui fuyó de Isengard con l'aduya de Gwaihir, un alica chigant, y con Bilbo, que se fue a Rivendell como parti d'a suya zaguera aventura. Lo pai d'Arwen, Lord Elrond, convoca un consello an se decide destruyir l'Aniello en o Mont d'o Destín. Mientres os participants discuten, Frodo s'ofreix como voluntario pa levar l'Aniello, acompanyau per Gandalf, Sam, Merry, Pippin, l'elfo Legolas, o nano Gimli, Boromir de Gondor, y Garradas, qui se revela como Aragorn, l'hereu de Isildur y o lechitimo rei de Gondor. Bilbo, que sufre per a responsabilidat que ha asumiu Frodo per as suyas accions, le da a Frodo a suya espada, “Dardo”. A Comunidat de l'Aniello prencipia, pero a machia de Saruman os obliga a viachar a traviés d'as Menas de Moria, pa gran sofoco de Gandalf.
Dimpués de descubrir que os nanos de Moria han estau asasinaus, a Comunidat sufre l'ataque d'os orcos y un troll d'espelunga. Aconsiguen redotar-los, pero s'enfrontinan a lo Mal de Durin, un balrog que reside adintro d'as menas. Gandalf lo fa cayer a un vasto abismo, pero o balrog arrociega a Gandalf a la foscor de conchunta con él. A resta d'a Comunidat, agora enfilada per Aragorn, plega a Lothlórien, fogar d'os elfos Galadriel y Celeborn. Galadriel le informa a Frodo en privau que nomás él puede completar a busca y que uno d'os suyos amigos fará un poder de prener l'Aniello. Entremistanto, Saruman creya un exercito de Uruk-hai pa rastriar y matar l'a Comunidat.
A Comunidat abandona Lothlórien per o río a Parth Galen. Frodo s'aluenya y Boromir intenta sacar-le l'Aniello con desasperación pero dimpués, encara que decepcionau d'él mesmo, aconsigue recuperar-se y tornar a estar aliato de l'hobbit. Temiendo que l'aniello corrompa asinas os suyos demás amigos, Frodo decide viachar solenco a Mordor y cuasi en simultanio A Comunidat ye emboscada per os Uruk-hai. Merry y Pippin son levaus captivos, y Boromir, dimpués d'actos heroicos, ye feriu de muerte per o chefe d'os Uruk-hai, Lurtz. Aragorn plega y mata a Lurtz, y alufra a Boromir redimido morir en paz. Sam sigue a Frodo y l'acompanya pa continar con a suya promesa a Gandalf de protecher a Frodo, mientres que Aragorn, Legolas y Gimli van a rescatar a Merry y Pippin.
Premios
[editar | modificar o codigo]Premios Oscar
[editar | modificar o codigo]Se veiga tamién
[editar | modificar o codigo]Vinclos externos
[editar | modificar o codigo]| Control d'autoridaz |
|
|---|
Datos: Q127367
Multimedia: The Lord of the Rings film trilogy / Q127367
- Cintas por títol
- Cintas de 2001
- Cintas d'Estaus Unius
- Cintas con banda sonora orichinal de Howard Shore
- Cintas con dirección de fotografía d'Andrew Lesnie
- Cintas con guión de Fran Walsh
- Cintas con guión de Peter Jackson
- Cintas con guión de Philippa Boyens
- Cintas con montache de John Gilbert
- Cintas de cine de fantasía
- Cintas dirichidas por Peter Jackson
- Cintas en anglés
- Cintas interpretadas por Andy Serkis
- Cintas interpretadas por Cate Blanchett
- Cintas interpretadas por Christopher Lee
- Cintas interpretadas por Elijah Wood
- Cintas interpretadas por Hugo Weaving
- Cintas interpretadas por Ian Holm
- Cintas interpretadas por Ian McKellen
- Cintas interpretadas por John Rys-Davies
- Cintas interpretadas por Liv Tyler
- Cintas interpretadas por Orlando Bloom
- Cintas interpretadas por Sean Astin
- Cintas interpretadas por Sean Bean
- Cintas interpretadas por Viggo Mortensen
- Cintas producidas por Barrie M. Osborne
- Cintas producidas por Fran Walsh
- Cintas producidas por Peter Jackson
- Cintas producidas por Tim Sanders