Moria

De Biquipedia
Ir a la navegación Ir a la búsqueda

En a ficción de J.R.R. Tolkien, Moria, tamién clamau Khazad-dûm,[1] ye un antigo complexo subterranio en a Tierra Meya, que comprende una vasta ret laberintica de túnels, cameras, menas y corredors baixo as Montanyas Nubles, con puertas tanto en o ueste como en os costaus orientals d'a cordelera. Moria se presienta en a novela de Tolkien O Hobbit, y ye una scena d'acción important en O Sinyor d'os Aniellos.

En gran parti d'a historia ficticia d'a Tierra Meya, Moria estió a ciudat mas gran d'os Nanos. A riqueza d'a ciudat se basaba en as suyas menas, que produciban mithril, un metal ficticio de gran polideza y resistencia, adequau pa armaduras. Os Nanos cavoron masiau fundo, angluciosos de mithril, y perturbaron a un demonio de gran poder: un Balrog, que destruyió lo suyo reino. En zaguerías d'a Tercera Edat, os Nanos heban albandonau Moria mientres muito tiempo y yera un puesto de mala reputación. Yera fosco, en un perigloso malmetimiento, y en os suyos laberintos aguaitaban Orcos y Balrog.

Referencias[editar | modificar o codigo]

  1. (en) Wayne G. Hammond & Christina Scull (2005), The Lord of the Rings: A Reader's Companion, Harper Collins, p. 224 "Moria" ISBN 0 00 720308 X