Hobbit

De Biquipedia
Ir a la navegación Ir a la búsqueda
Un hobbit.

Os hobbits son creyaturas de l'universo de fantesía creyau per lo escritor anglés J.R.R. Tolkien. Aproximadament a metat de l'altaria humana promeyo, Tolkien presentó a los hobbits como una variedat d'humanidat, u parients amanaus d'a mesma. Ocasionalment conoixius como meyanos (en anglés halflings) en os escritos de Tolkien, viven escalzos y habitan en casas subterranias que tienen finestras, ya que tipicament son construyidas en os costaus d'os pueyos. Os suyos pietz tienen suelas de cuiro naturalment duras (per lo que no amenestan calcero) y son cubiertos en a parti superior con cabello encaragolau.[1]

Os hobbits amaneixioron per primera vegada en a novela infantil de 1937 O Hobbit, que o suyo hobbit titular ye o protagonista Bilbo Baggins, qui se veye aventau a una aventura inasperada que embreca a un dragón. En a suya seqüela, O Sinyor d'os Aniellos, os hobbits Frodo Baggins, Sam Gamgee, Pippin Took y Merry Brandybuck son personaches prencipals que desempenyan papers clau en a luita pa salvar o suyo mundo (``A Tierra Meya``) d'o mal. En O Hobbit, os hobbits viven chuntos en un lugarón clamau Hobbiton, que en O Sinyor d'os Aniellos s'identifica como parti d'una rechión rural mas gran clamada A Comarca, a patria d'os hobbits en o nordueste d'a Tierra Meya. Tamién viven en un lugar a l'este d'a Comarca, clamau Bree, an coexisten con humans normals. Tolkien insinúa que puede haber atros asentamientos hobbit per astí, pero nunca se visitan en l'historia.

Tolkien establió una etimolochía ficticia pa la parola "hobbit" en un apendiz d'o Sinyor d'os Aniellos, que se deriva de holbytla que significa "constructor de foraus" a quala ye una nueva construcción de Tolkien de l'anglés antigo hol, "forau", y bytlan, "construyir".[2]

Referencias[editar | modificar o codigo]

  1. (en) Stanton, Michael N. (2013) [2007]. "Hobbits". In Drout, Michael D. C. (ed.). J.R.R. Tolkien Encyclopedia. Routledge. pp. 280–282. ISBN 978-0-415-86511-1.
  2. (en) Shippey, Tom (2005). The Road to Middle-Earth, pp. 76-78, Grafton (HarperCollins). ISBN 978-0261-10275-0.