The Bridge at Remagen

The Bridge at Remagen
Títol	The Bridge at Remagen
Ficha tecnica
Dirección	John Guillermin
Aduyant de dirección	Ridgeway Callow
Dirección artistica	Bohuslav Kulic
Producción	David L. Wolper
Disenyo de producción	Alfred Sweeney
Guión adaptau	Roger O. Hirson William Roberts Richard Yates
Basau en	The Bridge at Remagen: The Amazing Story of March 7, 1945 (1957) de Ken Hechler
Musica	Elmer Bernstein
Fotografía	Stanley Cortez
Montache	William Cartwright Harry V. Knapp Marshall Neilan Jr.
Vestuario	Frank Balchus
Maquillache	Miloslav Jandera
Casting	Lynn Stalmaster
Actors	George Segal Robert Vaughn Ben Gazzara Bradford Dillman E.G. Marshall Peter Van Eyck Hans Christian Blech Heinz Reincke Joachim Hansen Sonja Ziemann Anna Gael Bo Hopkins Robert Logan Matt Clark Steve Sandor
Color	Color by DeLuxe Panavision
Datos y cifras
País(es)	Estaus Unius Checoslovaquia Alemanya Occidental
Anyo	1969
Debantadera	25 de chunio de 1969 Huntington (Virchinia Occidental, Estaus Unius) 14 de noviembre de 1969 Alemanya Occidental
Chenero(s)	Cine belico
Durada	117 min.
Idioma(s)	Anglés Alemán
Companyías
Productora(s)	The Wolper Organization, Ltd.
Distribución	United Artists
Presupuesto	5 millons de dólars
Recauto	1,6 millons de dólars
Informacions en bases de datos especializadas:

The Bridge at Remagen (títol orichinal en anglés, en aragonés O puent de Remagen, enguerada en Aragón con o suyo títol traduciu enta lo castellano como El puente de Remagen) ye una cinta de cine belico enguerada l'anyo 1969, coproducida por o cine estausunidense, lo cine checoslovaco y lo cine alemán, dirichida por John Guillermin seguntes un guión adaptau por Roger O. Hirson, William Roberts y Richard Yates (basau en The Bridge at Remagen: The Amazing Story of March 7, 1945, un libro publicau en 1957 por l'historiador Ken Hechler, con una banda sonora orichinal d'Elmer Bernstein, una dirección de fotografía de Stanley Cortez, una producción cinematografica a lo cudiau de David L. Wolper ta la productora cinematografica The Wolper Organization, Ltd. y un elenco d'o cual en fan parte, entre d'atros, os actors George Segal, Robert Vaughn, Ben Gazzara, Bradford Dillman, E.G. Marshall, Peter Van Eyck, Hans Christian Blech, Heinz Reincke, Joachim Hansen, Sonja Ziemann, Anna Gael, Bo Hopkins, Robert Logan, Matt Clark y Steve Sandor.

A cinta s'isnpira (encara que con no masiada fidelidat a la realidat historica) en a batalla de Remagen mientres a Segunda Guerra Mundial, cuan os exercitos d'os Aliaus prebaban d'apoderar-se de bel puent intacto que lis permitise trescruzar con bella seguridat o río Rin y penetrar en o corazón d'o Tercer Reich, obchectivo que consiguió en primer lugar a 9^ena División Bilndada de l'exercito estausunidense en apoderar-se d'un puent en a localidat de Remagen, o puent Ludendorff, en marzo de 1945. En a cinta, o tenient Hartman manda un grupo de soldaus, estando un líder experimentau, pero ye bien canso d'a guerra, a qui li prometen reposo ta los suyos soldaus nomás que plegue en Remagen, a on s'aspera que cuan i pleguen as tropas d'a Wehrmacht haigan destruyiu lo puent. D'atra man, lo comandant Paul Kreuger recibe la orden de protecher o puent y impedir que se'n apropien os Aliaus destruyindo-lo d'amenistar-se, pero que amás recibe la orden verbal de mantener-lo activo lo mayor tiempo posible ta conseguir que lo mayor numero posible de soldaus alemans consigan trescruzar o Rin y evitar estar feitos presoneros por os Aliaus. Cadaguno d'os dos preba de cumplir as suyas instruccions con a mayor profesionalidat posible, encara que l'alemán se troba bien luego con greus problemas porque no se li conceden os medios que se li han prometiu ta protecher u destruyir o puent.

A cinta s'ambienta en marzo de 1945 en a ciudat de Remagen en Renania-Palatinato mientres a Segunda Guerra Mundial y las suyas escenas se filmoron en Davle y Most en Checoslovaquia (hue Republica Checa), en Mechnice en Polonia y en Hamburgo en Alemanya Occidental (hue Alemanya), amás d'en Austria y Italia.

Elenco

Actor	Papel	Notas
[[]]	'

Se veiga tamién

• Cine en 1969.
• Cintas de 1969.

Vinclos externos

• (en) The Bridge at Remagen en Internet Movie Database.
• (en) The Bridge at Remagen en Rotten Tomatoes.
• (en) The Bridge at Remagen en AllMovie.
• (en) The Bridge at Remagen en TCM Movie.
• (en) The Bridge at Remagen en l'American Film Institute Catalog de l'American Film Institute.

• Datos: Q714920
• Multimedia: The Bridge at Remagen / Q714920