Sufixo -al

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -al deriva d'o sufixo latín -ALIS a traviés d'a radiz d'o suyo acusativo -ALE-M, de función adchectival. En aragonés, a l'igual que en atras luengas romances, se troba en diferents circunstancias: en adchectivos sustantivaus, en denominacions de colectivos, en denominacions de puestos con animals y en denominacions de formacions vechetals, d'astí que se trobe muito en a toponimia, en especial en a microtoponimia en nombres de partidas y fincas. A vegadas fuera d'o rechistro popular se troba en adchectivos cultos que fan part d'o lexico cientifico. En bel caso puet presentar formas femininas en -ala como en occitán. Tiende a confundir-se con o sufixo -ar.

Función adchectiva en latín

Sustantivos con este sufixo derivaus d'adchectivos latinos u antigos adchectivos sustantivaus son:

• Aral < AREALIS.
• Cabezal.
• Caixal/Quixal.
• Corral.
• coral.
• Dental.
• Dital/Didal < DIGITALE.
• Estral < DEXTRALIS.
• Debantal
• Estarasanyal.
• Mairal.
• Morral.
• Penal.
• Petral/Pitral < PECTORALIS.
• Pial.
• Pozal.
• Primal.
• Puyal.
• Semental.
• Semestral.
• Tercenal.
• Tozal.
• Vacal.
• río Veral.

A vegadas se troban formas femeninas como primala, muixigala y cinchala, tamién en a microtoponimia Forcala.

Denominacions de colectivos

Son colectivos con este sufixo:

• Arnal, deriva d'arna.
• Fontanal.
• Fosal, derivau de fuesa por parasintesi.

Puestos con animals

• Boyaral.

Terrenos caracterizaus

• Royal.
• Salobral.

Formacions vechetals

Ye a situación a on mes se solapa u confunde con o sufixo -ar. Jose Antonio Saura Rami comenta que lo sufixo -al da un valor colectivo denominador de plantas y lo puesto que ocupan, mientres que lo sufixo -ar designa puestos dominaus por determinadas plantas y árbols, y ixos colectivos.

• Abellaneral.
• Artal.
• Barzal.
• Buixacal.
• Caixical.
• Carbazal.
• Carrascal.
• Chinebral.
• Chordoneral.
• Chordonal.
• Ferrenyal.
• Fraixinal.
• Hordial.
• Matical.
• Napinal.
• Rebastal.
• Vinyal.

Macrotoponimos con sufixo -al

• Barbunyals.
• Berbegal.
• A Canal de Berdún.
• Os Corrals.
• Fiscal.
• O Fraixinal.
• Nabal.
• Novals.
• Perals.
• Rasal.
• Os Rials.

Adchectivos propios de lexico cientifico

• Anyal.
• Glacial, relativo a las cheleras.
• Medieval.
• Periglacial.
• Semestral.
• Trimestral.

Aumentativo

José Antonio Saura Rami indica que puet tener un matiz aumentativo en benasqués, lo cual sería extensible a tot l'aragonés:

• Basal.
• Cantal.
• Casal, con o significau de casa gran.
• Esponal.
• Narical.
• Puntal.
• Puyal.
• Tozal / tuzal.
• Taboneral.

Atros usos

• Casal.
• Mosal.

Bibliografía

• (es) KUHN, Alwin: El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6
• (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003

• Datos: Q13050232