Napinal

De Biquipedia
Ir a la navegación Ir a la búsqueda
Iste articlo tracta sobre o napinal, que ye una extensión de napos. Ta altros usos de «napinal» se veiga Napinal (desambigación).
Un napinal d'hibierno, en a Suiza.

Un napinal ye una extensión de cultura adedicada a la producción de napos.

En Aragón, y en cheneral por toda Europa, os napos teneban una importancia mayor en o pasau ta l'alimentación humana de como en tienen agora. En estando comestibles tanto as radices como as follas, y como se'n feba a cullita en a primavera, o napo arribaba a constituir a base de l'alimentación en os meses previos a la siega d'os cerials, quan o preu de a farina (y d'o pan) yera más altero.

Existe variants de napos que se crian ta pastura d'os ganaus. Iste tipo de brasicacias, más bastizas y resistents (encara) que os cautivars ta consumo humano, se podeban cautivar, en os solans, dica altarias considerables.

Toponimia[editar | editar código]

En numbrosos puestos de l'Alto Aragón existe toponimos que fan referencia a la existencia pasada d'ixe tipo de campos, adedicaus a la producción de napos de pastura. Con freqüencia, os toponimos «napinal» u «napinals» son en as alturas,[1] o que liga con a posible oríchen ganadera de qualques d'ells.

Ademés, a simient d'os napos puede adaptar-se con facilidat a la vida salvachina, por o que gosa pasar con freqüencia que n'amaneix exemplars (y dica agrupacions de muitos) difuera d'os campos a on que se'n heba sembrau intencionalment, con o que bells «napinals» no tienen por qué haber estau en puestos en os que enantes se i hese cautivau a tierra.

Imáchens[editar | editar código]

Se veiga tamién[editar | editar código]

Referencias[editar | editar código]

  1. (es) ALLUÉ NAVARRO, Mª Isabel y FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9