Cerolla
- Iste articlo tracta sobre as cerollas, que son os fruitos de Prunus domestica. Ta atros emplegos de «cerolla» se veiga Cerolla (desambigación), y ta «pruna» se veiga Pruna (desambigación).
A cerolla[1][2][3][4][5][6][nota 1] u acerolla[1][2][nota 2] (de l'arabe azza’rúra), que tamién se conoix en Aragón con variants d'iste nombre como ciruella[nota 3][2][7][6] (d'o latín cereŏla), ye principalment a fruita comestible d'a cerollera domestica (Prunus domestica), un árbol fruitero extensament cautivato ta producir-las. En a comarca de Ribagorza y tamién en bels nuclios que i son colindants, en a Cinca Meya y o Semontano de Balbastro, se documenta o nombre pruna[1][2][nota 4] (lat. pruna).
Botanicament, a cerolla ye una drupa con endocarpo duro (o ruello) y un mesocarpo tovo y sucoso, rico en glucidos. As cerollas contienen sorbitol, o que las fa tener propiedaz laxants si se'n consume masas.
En l'actualidat, y como a cerollera ye un árbol domesticato dende l'antigüidat, se'n conoix y se'n tien descritas una multitut de variedaz comercials; una d'as mas populars ye a claudia. En os Balcans s'elabora una bebita destilata a partir d'as cerollas.
Variedaz comuns en Aragón
[editar | modificar o codigo]- Cerollico u cascabillo. Cerolla borde.
- Claudia.
- Sanchuanera.
- Zaragozí.
Se veiga tamién
[editar | modificar o codigo]Notas
[editar | modificar o codigo]- ↑ Con as variants zarolla, cerola, cerolda y cirola.
- ↑ Con as variants azarolla y acerola.
- ↑ Con as variants cirgüella, cergüella, ceruella, cirgolla, cirgüela, cirolda y cirigüela.
- ↑ Con a variant peruna u en masculín prun, perún y pirún.
Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ 2,0 2,1 2,2 2,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
- ↑ (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza 2007. ISBN 978-84-8094-058-0
- ↑ (es) QUINTANA i FONT, Artur, El Aragonés nuclear de Nerín y Sercué (Valle de Vio); Gara d'Edizions. Zaragoza, 2007. ISBN 978-84-8094-060-3
- ↑ TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
- ↑ 6,0 6,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
