Quadrívium
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O quadrivium yera, en a Edat Meya, o conchunto d'as cuatre artes liberals: aritmetica, musica, cheometría y astronomía que, en chunto con o trivium, yera la base de l'estudio d'a filosofía y a teolochía en os centros d'amostranza medievals. Proviene d'a secta d'os pitagoricos que daban una gran importancia a la educación.
O quadrivium proporcionaba a lo estudiant que ya heba superato l'amostranza basica un mayor conoiximiento y un saber mas fundo en introducir-lo en as ciencias superiors.
Ye especialment esta branca d'o conoiximiento a que recibió mas empenta con os multiples contactos d'os monesterios catalans con o Islam: un claro eixemplo se troba en os adebantatos estudios matematicos que Gerbert d'Orlhac heba feitos con o bispe Ató de Vic mientres a suya estacha en Catalunya.
A traviés d'o Islam se conoixioron os treballos de Maslama sobre l'astrolabio, l'estableiximiento d'as mesas astronomicas, l'uso d'as cifras arabes y d'o zero y s'enamploron os conoiximientos sobre l'alchebra en o mundo cristiano.
Os conoiximientos nuevos facilitoron y millororon o estudio d'a cheometría, de l'aritmetica y de l'astronomía en os diferents centros d'amostranza.
Se consideraba que l'aritmetica yera lo estudio d'o numero en estato puro, que a cheometría yera lo estudio de l'espacio en estato puro, que a musica yera lo estudio d'o numero en movimiento y que l'astronomía yera lo estudio d'o espacio en movimiento.
Bibliografía
[editar | modificar o codigo]- (ca) Sadurní i Puigbò, Núria: Diccionari de l'any 1000 a Catalunya. Edicions 62, Col·lecció El Cangur / Diccionaris, núm. 280. Barcelona, octubre d'o 1999. ISBN 84-297-4607-2, plana 106.
Datos: Q273822