Prešov

	Prešov
	Localidat d'Eslovaquia
	; Seu de
Estau; • Rechión; • Rechión historica; • Districtos	Eslovaquia; Prešov; Šariš; Prešov
Superficie	70,43 km²
Población; • Total; • Densidat	; 91498 hab. (2007); 1.299,13 hab/km²
Altaria; • Meyana	; 255 m.
Codigo postal	080 01
Ríos	Torysa
Coordenadas	49°00′06″N 21°14′22″E
	Prešov Prešov en Eslovaquia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Prešov (en hongaro Eperjes, en alemán Eperies u Preschau, en ucrainés Пряшів/Priashiv) ye una ciudat de l'este d'Eslovaquia. Con una población d'alto u baixo 100.000 habitants, ye a tercera ciudat mas gran d'Eslovaquia.

Prešov ye situada en a val d'o río Torysa, en a confluyencia con o suyo afluent, o Sekey Sekčov. A ciudat ye a nomás 33 kilometros a o norte de Košice. Una autopista conecta as dos ciudaz.

Caracteristicas

A ciudat ye una muestra d'as arquitecturas barroca, rococó y gotica. En o centro historico, a carrera prencipal ye aliniada con as ilesias y atros edificios construyius en base a os devantditos estilos. Manimenos, en os suburbios, a influyencia d'a Unión Sovietica ye prou evident a causa d'a gran cantidat d'edificios de formigón construyius ta estar emplegaus como departaments (os panelák) de Sídliská (casas d'o estau) y d'o districto Sekčov. Atros eixemplos d'arquitectura d'estilo sovietico pueden estar os edificios gubernamentals situaus amán d'o centro d'a ciudat.

Bi ha un significativo numero d'industrias en Prešov, entre as que se troban companyías d'incheniería electrica y mecanica, asinas como industria textil. Solivary, a unica companyía de procesamiento de sal d'Eslovaquia, tamién opera en a ciutat. A ciudat tamién ye centro d'un arcebispau ortodoxo.

Se fan muitos conciertos, operas, operetas y cuantas representacions en o teatro Jonáš Záborský (Divadlo Jonáša Záborského), de nueva construcción.

A ciudat y a rechión compitioron por estar a Capital Europea d'a Cultura en 2013; a ciudat trigada estió Košice.