Valencia hispanica

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Zamaruco

Zamarucos

Estato de conservación

En periglo

Clasificación scientifica

Dominio:	Eukaryota
Reino:	Animalia
Filo:	Chordata
Clase:	Actinopterygii
Orden:	Cyprinodontiformes
Familia:	Valenciidae
Chenero:	Valencia
Especie:	Valencia hispanica

Nomenclatura binominal

Valencia hispanica

Valenciennes, 1826

{{Taxobox_image | image =

O zamaruco^[1] (nombre cientifico Valencia hispanica) ye un peix que vive en as marismas de l'este d'a Peninsula Iberica, estando un endemismo iberico.

Morfolochía

Cuasi no plega a os 8 cm de largura. Tien unos dients mandibulars con nomás un cabo disposatos en bellas ringleras y una color entre marrón claro y amariello. Os masclos tienen os filos d'as aletas de color narancha.

Habitat

Se troba en marismas y manantials con augua limpia.

Constumbres

Va en cardúmens y s'alimenta d'insectos y as suyas larvas.

Estato de conservación

Ha estato en serio periglo de desaparición, pero agora se ye recuperando. Por un tiempo se deciba que yera redueito a 3 enclaus, uno d'ellos a marisma de Peniscola, que yera desapareixendo por una feroz especulación urbanistica. En atras arias d'a suya distribución ixa especulación lo heba feito desapareixer por a desecación d'as marismas, contribuindo en menor medida a contaminación y a captura por os coleccionistas u aficionatos a los acuarios.

Zoonimia

En aragonés a palabra zamaruco se fa servir como faltata y tamién pa dicir "cullarón" u "peix parexito a lo cullarón", y de feito un parient introduciu d'o zamaruco, a Gambusia se diz asinas en a provincia de Uesca. D'a Gambusia, d'o fartet, d'o fundulo y d'atros peixes pareixitos en anglés se'n diz killies y se troban amplament distribuitos por rechions tropicals y subtropicals, en especial en America.

En catalán samaruc se diz en o delta de l'Ebro y Castellón, arias d'influencia aragonesa, por lo que puet estar un aragonesismo no reconoixito como tal. De feito Peniscola estió en poder de caballers aragoneses y ye on huei ye a mayor población mundial de zamarucos.