Vinaroz

vinaroz
Municipio d'o País Valencián
Envista de lo puerto de Vinaroz.
Entidat  • Estau  • Comunidat  • Provincia  • Comarca	Municipio  Espanya  País Valencián Castellón Baixo Mayestrato
Superficie	95,5 km²
Población  • Total	28 862 hab. (2013)
Altaria  • Meyana	7 m.
Distancia  • 78 km  • 153 km	enta Castellón de la Plana enta Valencia
Codigo postal	12150, 12500
Ríos	Río Cenia
Coordenadas	40°28’ 0’’N 0°28’ 0’’E
vinaroz vinaroz en Comunidat Valenciana
Web oficial

Vinaroz (Vinaròs en catalán y oficialment, Vinaroz en castellán) ye un municipio de lo País Valencián, capital de la comarca de lo Baixo Mayestrato, en la provincia de Castellón y partiu chudicial de lo suyo nombre (en ye a suya capital).

La suya población ye de 28 862 habitants, en una superficie de 95,5 km² con una densidat de población de 95,5 hab/km².

Cheografía

Se troba en la costa de la mar Mediterrania, a lo sur de la desembocadura de lo río Cenia, a 7 metros d'altaria dencima de lo libel de la mar y a una distancia de 78 km de la ciudat de Castellón de la Plana, la capital de la suya provincia, y de 153 km de la ciudat de Valencia, la capital de lo País Valencián.

Mugas

Lo suyo termin muga a lo norte con Benicarló, Cálich y Sant Jordi en la provincia de Castellón y con Ulldecona y Alcanar en la provincia de Tarragona.

Historia

En lo sieglo XIII yera una alquería de Penyiscola conoixida como Beni-Al-Arus. Se convirtió en poblau cristián dimpués de la conquiesta de Peniscola en 1233. En 1241 recibió Carta de población de Chil d'Atrosillo, l'alcait de Peniscola.

En la Edat Meya Binaroz dependeba de lo castiello de Penyiscola, igual como Benicarló, dica que s'independizó y empecipió un creiximiento que la convirtió en la prencipal capital de lo norte de lo País Valencián. En lo sieglo XVI conoixió lo movimiento de las Chermanías, prenendo parte a favor de la Corona, lo que le valió en 1540 lo tetulo de villa. Teneba un puerto de los més importants de la mar Mediterrania, con unas grans atarazanas, a on que se construiban grans naus. Quan la expulsión de 1609, s'embarcoron en este puerto gran parte de los mas de 15.000 moriscos forachitaus (muitos d'ellos d'Aragón).

Toponimia

Se menciona en la Carta de población de 1241 como Bynalaros en un texto latín con aragonesismos.

Notum sit cunctis presentibus et futuris, quod ego don Gyl d'Atrosillo, alquayt de Peniscola, per mandato domini regis, dono et concedo vobis, Grignon Valester, Iª alquaream qui vochatur Bynalaros in termino Peniscole, cum vobis quinquaginta populatores, eremos, populatos, qui abet afrontaciones, prima parte la mar, de secunda parte el ryvo de Oyldecuna, de terçia parte cum termino de Çervera, et in quarta vero partis cum rivo de Oliva.

La carta puebla ye escrita en latín con muitos aragonesismos (peatje, devandito, de[.n]çima, se significaba á mas). Teneba estos aragonesismos porque la concedió Chil d'Atrosillo, que yera aragonés.

En 1255 se menciona como Benilaros.

Administración

Alcaldes

Lista d'alcaldes

Lechislatura	Nombre	Partiu politico
1979–1983	Ramón Bofill Salomó	Partit Socialista del País Valencià-PSOE
1983–1987	Ramón Bofill Salomó	Partit Socialista del País Valencià-PSOE
1987–1991	Ramón Bofill Salomó	Partit Socialista del País Valencià-PSOE
1991–1995	Ramón Bofill Salomó	Partit Socialista del País Valencià-PSOE
1995–1999	Jacinto Moliner / Ramon Bofill	Partido Popular / Partit Socialista del País Valencià-PSOE
1999–2003	Jacinto Moliner	Partido Popular
2003–2007	Javier Valada Ortega	Independient
2007–2011	Jordi Romeu	Partit Socialista del País Valencià-PSOE

Vinclos externos

• Pachina web oficial municipal.