Norbert Feher

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Norbert Feher
Información personal
Calendata de naixencia	10 de febrero de 1981
Puesto de naixencia	Subotica (Republica Socialista de Serbia, Yugoslavia)
Ocupación	Criminal, ex-militar

Norbert Feher (Subotica, 10 de febrero de 1981), tamién conoixiu como Igor o ruso, Igor Vaclavic y Ezequiel, ye un criminal serbio de etnia hongara. Se le atribuyen diversos crimens de asasinato y furto en Italia y Espanya. Se troba actualment en esta zaguera complindo condena en estar capturau dimpués d'o suyo zaguer crimen en Andorra (Teruel).

Biografía

Primers anyos

Naixió en 1981 en a ciudat de Subotica, en a provincia autonoma de Vojvodina en Serbia (en l'inte Yugoslavia), an i hai una fuerte presencia hongara. Ye fillo de Jene y Zuzana.

Seguntes lo que dició a los suyos companyers de presón, sirvió en l'exercito ruso entre la Primera Guerra Chechena como miembro d'as unidaz especials. Tamién, seguntes as suyas historias, entre que él yera en Rusia, la suya filla habría estau asasinada en represalia contra él. Dimpués d'haber desertau de l'exercito ruso s'habría mudau ta China, an habría aprendiu l'idioma. Amás d'este, tiene conoixencias d'italiano, serbocroata, hongaro, rumano, ruso y bella mica d'espanyol.

Buscau per a policía serbia per furto y violencia sexual, en 2006 se mudó ta Italia.

Italia

En 2007, tot y con a suya capacidat de cambiar radicalment la suya apariencia, estió preso per las autoridaz italianas per una serie de robos entre Ferrara y Rovigo, caracterizaus per l'emplego preferent d'armas blancas como l'arco y lo cuitiello ganando-se la embotada de ninja en l'aria. En a presón de Rovigo se presentó debant d'as autoridaz italianas baixo la falsa identidat d'Igor Vaclavic, privando asinas la extradición.

Liberau en 2010, tornó a l'actividat criminal y pareixe haber-se dedicau tamién a l'actividat de gigoló. Lo 4 de noviembre de 2011, lo fiscal chefe de Ferrara sinyó una orden d'expulsión, pero, en ausencia d'identificación y no haber estau reconoixiu per Rusia (d'a cual heba dito que yera ciudadano), remanió en a presón d'Argone dica la suya liberación anticipada, en 2015. Nuevament ninviau ta la CIE, esta vegada tampoco estió feito fuera. La familia que remaniba en Serbia y con qui se mantenió en contacto no colabororon en a investigación.

L'1 d'abril de 2017, Feher furta en un estanco en a localidat de Riccardina (Budrio, Bolonya), an lo propietario, Davide Fabbri, de 52 anyos, tracta de desarmar a lo ladrón, arrebatándole l'arma d'a man, pero Feher reaccionó y l'asasinó disparando-le dos vegadas en o peito con una segunda arma, una pistola semiautomatica Smith & Wesson 9 × 21 furtada lo 29 de marzo a un guardia de seguranza. En a suya fuyida acaba tamién con a vida d'o cambrero Avide Fabri. Dimpués d'o furto, Feher s'amagó en as marismas de l'aria de Ferrara, an lo 8 d'abril de 2017 mató a lo guardia forestal Valerio Verri y firió grieument a unatro. Tot y con l'emplego de 150 hombres per redolín, perteneixients a equipos especials equipaus con lunetas de visión nocturna per infrarroyos y visors termicos y cans rastreadores, l'asasino no ye capturau. Feher mesmo plega a desafiar a la policía que l'acaza. Probablement la suya fuga se veyió afavorida per la aduya d'os suyos amigos y antigos complices.

Espanya

Lo 17 de mayo de 2017, ninvió una postal ta lo comando central d'os carabiners de Ferrara en a cual anuncia que abandonó Italia y la suya plegada ta Espanya. Seguntes los informes d'as autoridaz espanyolas, en fuyir d'Italia a Espanya, habría cruciau 8 países utilizando 18 identidaz diferents. Lo 5 d'aviento, asalta una grancha en Albalat de l'Arcebispe, estando descubierto per lo propietario y un cerrachero, toz dos ferius per él. Posteriorment se treslada ta la localidat d'Andorra, an en unatro furto asasina lo 14 d'aviento a lo ganadero José Luis Iranzo Alquézar, de 39 anyos y nieto d'o Pastor d'Andorra, chunto a los guardias civils Víctor Romero Pérez, de 30 anyos, y Víctor Jesús Caballero Espinosa, de 38 anyos, tot y que los achents iban equipaus con achustadors antibalas, apropiando-se dimpués d'as suyos armas reglamentarias.

Dimpués d'un amplio operativo policial, Feher ye arrestau per las autoridaz espanyolas en Mirambel (Teruel), arredol d'as 2:50 a. m. d'o 15 d'aviento de 2017, dimpués d'un accident de trafico entre la fuga que lo deixa inconscient. Tot y con a solicitut d'extradición d'as autoridaz italianas, las autoridaz espanyolas lo chudgan primero per los crimens cometius en o suyo territorio, estando condenau lo 3 de febrero de 2020 a 21 anyos de presón per dos delitos de tentativa de homicidio y un de tenencia ilicita d'armas per l'Audiencia Provincial de Teruel per lo crimen d'Albalat. Actualment se troba complindo condena en a presón de Zuera sin posibilidat de libertat baixo fianza.

Atros posibles delitos

Lo 30 d'aviento de 2015, Salvatore Chianese de 42 anyos estió asasinau en una pedrera en Fosso Ghiaia (Ravena). Las investigacions reveloron que lo rifle utilizau pa lo asasinato corresponde a lo d'o furto en Tabierna Gallo en abril de 2015.