Larus delawarensis

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Larus delawarensis
Ring-billed gull in Red Hook (42799).jpg
Una gaviota de Delaware (Larus delawarensis).
Denominacions populars
gabiota de Delaware[1], gaviota de Dalaware[2]
Estato de conservación
Status iucn2.3 LC.svg
Seguro (IUCN)
Clasificación scientifica
Animalia
Chordata
Aves
Charadriiformes
Laridae
Larus
L. delawarensis
Descripción
Larus delawarensis
Ord, 1815
Distribución cheografica
Larus delawarensis map.svg
Distribución d'a gaviota de Delaware.

A gaviota de Delaware (Larus delawarensis (Ord, 1815)[3]) ye una au d'a orden d'os Charadriiformes y familia Laridae que lo suyo tozuelo, o cuello y as partis inferiors son de color blanca; o pico relativament curto ye amariello con un aniello fosco; a esquena y as alas son de color grisa platiada; y as garras son amarillas. Os uellos son amariellos con ribets royos. A esperanza de vida promeyo d'un individuo que plega a la edat adulta ye de 10,9 anyadas, manimenos, a gaviota de Delaware mas viella rechistrada s'observó en Cleveland en 2021, encara con vida a la edat de 28 anyos.[4]

L'habitat de reproducción d'as gaviotas de Delaware se troba amán de lacos, ríos u la costa de Canadá y o norte d'os Estaus Unius. Fan niedos colonialment en o solero, a ormino en islas. Son aus migratorias y la mayoría se desplaza enta lo sud dica lo golfo de Mexico y as costas atlantica y pacifica d'America d'o Norte y os Grans Lacos.

As gaviotas de Delaware s'alimentan en vuelo u replegan obchectos mientres nadan, caminan u vadian. Tamién furtan virolla d'atras aus y con freqüencia esforican en a vasuera. Son omnivoros; a suya dieta puede incluyir insectos, peix, cerials, uegos, leremicos y radedors. Istas aus son oportunistas y s'han adaptau bien en incherir virollas quan as personas as descartan u mesmo as deixan desatendidas. Muitos banyistas lo consideran una plaga a resultas d'a suya disposición a furtar virolla sin vichilancia en plachas rebutidas de chent. As aus s'arrechuntan en plachas, puertos esportivos, muelles y parques an a chent las alimenta con la man.

Referencias[editar | modificar o codigo]

  1. (an) Consello asesor de l’aragonés: “Informe lumero 13: Segundo enample d’a lista patrón d’as aus en aragonés (2011)”, Luenga & fablas, 15-16 (2011-2012), pp. 157-158, I.S.S.N.: 1137-8328
  2. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  3. (en) Jobling, James A (2010). The Helm Dictionary of Scientific Bird Names. London: Christopher Helm. pp. 132, 219. ISBN 978-1-4081-2501-4.
  4. (en) Oldest Ring-billed Gull on Record Discovered by Cleveland Birder en National Audubon Society

Vinclos externos[editar | modificar o codigo]