La vida sigue igual (cinta)

Iste articlo ye sobre una cinta de cine biografico de romance musical espanyola de 1969; ta atros usos, se veiga La vida sigue igual.

La vida sigue igual
Títol	La vida sigue igual
Póster d'a cinta.
Ficha tecnica
Dirección	Eugenio Martín
Aduyant de dirección	Andrés Vich
Producción	Vicente Coello Leonardo Martín
Disenyo de producción	Ramiro Gómez
Guión orichinal	Vicente Coello Eugenio Martín Leonardo Martín Miguel Rubio
Musica	Waldo de los Ríos
Soniu	Agustín Peinado José María San Mateo
Fotografía	Juan Amorós
Montache	Antonio Ramírez de Loaysa
Escenografía	Ramiro Gómez Augusto Lega Félix Michelena
Vestuario	Humberto Cornejo Miguel Gómez
Maquillache	Carmen Martín
Peluquería	Dolores del Pino
Actors	Julio Iglesias Jean Harrington Charo López Micky Florinda Chico Mayrata O'Wisiedo Andrés Pajares William Layton Erasmo Pascual Inma de Santis
Color	Eastmancolor
Datos y cifras
País(es)	Espanya
Anyo	1969
Debantadera	22 d'aviento de 1969 Madrit (Espanya)
Chenero(s)	Cine biografico Cine musical Cine de romance
Durada	91 min.
Idioma(s)	Castellano
Companyías
Productora(s)	Star Films S.A.
Informacions en bases de datos especializadas:

La vida sigue igual (títol orichinal en castellano, en aragonés A vida contina igual, enguerada en Aragón con o suyo títol orichinal) ye una cinta de cine espanyol de l'anyo 1969 de cine biografico musical romantico dirichida por Eugenio Martín seguntes un guión orichinal de Vicente Coello, Eugenio Martín, Leonardo Martín y Miguel Rubio, con una banda sonora orichinal de Waldo de los Ríos, una dirección de fotografía de Juan Amorós y una producción cinematografica de Vicente Coello y Leonardo Martín ta la productora cinematografica Star Films S.A.. Fan parte de l'elenco d'actors d'a cinta, entre d'atros, Julio Iglesias, Jean Harrington, Charo López, Micky, Florinda Chico, Mayrata O'Wisiedo, Andrés Pajares, William Layton, Erasmo Pascual y Inma de Santis.

A cinta conta en forma cuasi biografica un episodio d'a vida d'o cantaire Julio Iglesias, cuan con motivo d'una feridura dixó de chugar en o Real Madrid Club de Fútbol ta adedicar-se a lo mundo d'a Musica. En a cinta, Julio (lo protagonista se clama tamién igual que lo cantaire) ye amán de chugar con ixe equipo de fútbol cuan padeixe un accident de trafico que lo dixa impediu d'as garras. Dentra en una depresión y marcha enta un hotel en a costa de La Manga del Mar Menor en Cartachena, en a Rechión de Murcia, ta desapartar-se de tot, y nomás que un amigo sabe a on ye. En ixe hotel conoix a Luisa, una polida mesacha que i treballa como telefonista y que poquet a poquet lo refirma y l'aduya a superar a depresión. En ixe proceso, a mesacha s'enamora tamién a moniquet d'él, y Julio tamién s'ènamora d'ella, pero alavez plegan en l'hotel Tony, o solo amigo que sabeba a on se trobaba, la suya novia María José y los suyos atros amigos, y li explican que una canción que él heba composau, La vida sigue igual, ha estau seleccionada ta lo Festival Internacional d'a Canción de Benidorm. Julio convida a Luisa a asistir-ie, pero ista finalment decide no ir-ie.

O títol d'a cinta reculle lo títol homonimo d'a canción, con a que Julio Iglesias heba ganau l'anyo anterior a 10^ena edición d'o Festival Internacional d'a Canción de Benidorm. S'ambienta asinas en 1967 y 1968 en as ciudad de Madrit, Cartachena y Benidorm y las suyas escenas se filmoron en Murcia.

Elenco

Actor	Papel	Notas
	'

Se veiga tamién

• Cine en 1969.
• Cintas de 1969.

Referencias

• Datos: Q16652979