Ir al contenido

La Tonda (sierra de Moncayo)

Adhibir enlaces
De Biquipedia
(Reendrezau dende La Tonda (Sierra de Moncayo))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre La Tonda, mont de la sierra de Moncayo. Pa atros emplegos se veiga Tonda (desambigación).
La Tonda
Situación
Situación Muga entre Talamantes y Calcena (Zaragoza)
Latitut
Lonchitut
Vértiz cheodesico
Cheografía
Cordelera Sistema Iberico
Sierra Sierra de Moncayo
Macizo
Altaria 1.498 m
Alpinismo
Primera puyada
Ruta mas fácil Dende o kilometro 36 d'a carretera Trasobars-Calcena u dende Talamantes
Mapa

La Tonda ye un mont de 1.498 metros d'altaria, situau en a sierra de Moncayo, en a provincia de Zaragoza.[1]

Ye un domo anticlinal,[2], deseparau por un cuello de Canteque que chunto con la sierra de los Umbriones tamién se considera de la sierra de Moncayo.[3]

Toponimia

[editar | modificar o codigo]

L'oronimo La Tonda presenta una radiz recurrent en la toponimia de la Peninsula Iberica, y se repite en lo despoblau de La Tonda (Campo Romanos). En la provincia de Salamanca bi ha una sierra dita sierra de Tonda. En la comarca d'Osona (Catalunya), bi ha un Tona que s'escribiba en lo sieglo IX Tonda. Tamién se troba en Portugal como Tonda y con diminutivo toponimico como Tondela. S'ha proposau una etimolochía a partir de lo latín ROTUNDA, que ye d'acuerdo con la forma d'un domo anticlinal en lo caso de la Tonda moncayina.

En aragonés medieval y en romanz navarro se fa mención d'una penya Redonda chunto a las penyas de Ferrera a piet de Moncayo, por eixemplo en 1232 cuan Chaime I d'Aragón entregó uns castiellos a Sancho VII de Navarra:

Et es a saber que estos son los castiellos: Ferrellon, Ferrera, el castiello qui es a piedes de Mont Chaio qui es clamado La Fassina, et Penna Redonda, et Çalatamor; estos uos dono et uos otorgo quitios et saluos et sines nul entredit, con aguas, con montes, con ierbas, con passimientos, et con iermos et con poblados, et con todos aqueillos dereitos qui io i oui, ni e, ni deuo auer.[4]

En la "Cronica de los Conquiridors" tamién nombran estas penyas:

Et otro dia de manyana torno lo a veyer et apres enuio lo pregar que le prestasse .CM. sueldos et el dixo quelo farie mas que gelos assegurasse bien et fue assi entre ellos que don Jayme le libro ferrera, ferreion et penya Redonda et la faxina

Referencias

[editar | modificar o codigo]
  1. ↑ (es) Campo de Borja, Red Natural de Aragón n°26, Prames, 2009, ISBN 978-84-8321-826-6, p.103
  2. ↑ (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33
  3. ↑ (es) Eduardo Viñuales Cobos: Red natural de Aragón. nº 26, Campo de Borja, Prames, 2009. p 12, p 84.
  4. ↑ (es) José María Jimeno Jurío, Roldán Jimeno Aranguren: Archivo General de Navarra (1194-1234) Volumen 89 de Fuentes documentales medievales del País Vasco. Eusko Ikaskuntza, 1998.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=La_Tonda_(sierra_de_Moncayo)&oldid=2190074"