La Olmediella
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| La Olmediella La Olmedilla | |
| Despoblau d'Aragón | |
| Entidat • País • Provincia • Comarca • Municipio |
Despoblau Aragón.svg){kind=small} TeruelGúdar-Chabalambre Mora de Rubielos |
| Partiu chudicial | Teruel |
| Población • Total |
0 hab. |
| Parroquial • Diocesi • Arcipestrau |
Teruel y Albarracín Mora de Rubielos |
| Coordenadas | |
La Olmediella (La Olmedilla en castellano) ye un casal de lo termin municipal de Mora de Rubielos, en la comarca de Gúdar-Chabalambre y en la provincia de Teruel. Ye despoblau dende los anyos 40.[1]
Cheografía
[editar | modificar o codigo]La Olmediella se troba en lo collau de la Olmediella de la sierra de Mora, entre lo Mollón Blanco y lo pico de la Olmediella. La sierra de Mora presenta un modelau estructural en cuesta definiu por la resistencia de las calsineras aptianas, que forman cinglos sobre los materials tobos de facies Weald, que s'han erosionau en forma de foyas cautivables que permiten la existencia de mases,[2] como ye lo caso de la foya de la Solana y lo collau de la Olmediella a piet de lo pico de la Olmediella y la penya de Ramiro.
Historia
[editar | modificar o codigo]La Olmediella ya yera un nuclio rural habitau en lo periodo andalusí. Se conserva d'este periodo un muro de mampostería y restos ceramicos. Dimpués de la reconquiesta en la baixa Edat Meya bi heba una torre de planta rectangular situada sobre un cinglo a lo norueste de las edificacions andalusís. Las restas d'edificacions baixo-medievals han estau aproveitadas como corral. Lo mas de la Olmediella ye a lo sudeste d'ixe cinglo.
Toponimia
[editar | modificar o codigo]Lo toponimo Olmediella se documenta vinclau a un oronimo en un texto de delimitación y mollonamiento de termins entre lo concello de Teruel y lo comandador d'Alcalá de la Selva:
Se torna a trobar Olmediella en la toponimia medieval teruelana como nombre d'un heredamiento situau en la redolada d'Albarracín. A En la segunda mitat de lo sieglo XV un notario de La Puebla de Valverde y procurador de la Comunidat de Teruel teneba lo nombre de Miguel Martín de la Olmediella.
Referencias
[editar | modificar o codigo]- ↑ (es) UBIETO ARTETA, Antonio: Historia de Aragón. Los pueblos y los despoblados II (Anubar ediciones. Zaragoza, 1984). p 695.
- ↑ (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. pp 105-106.
- ↑ (es) Antonio Gargallo Moya: El Concejo de Teruel en la Edad Media volumen IV. Instituto de Estudios Turolenses, 1997, p. 132.
Vinclos externos
[editar | modificar o codigo]
| Lugars desapareixius d'o municipio de Mora de Rubielos | |
|---|---|
| El Babor | Los Campiellos | Cueva Mora | Fuent Seca | Incosas | La Olmediella | Pallars | Sabandija | Los Salabrosos |
| Control d'autoridaz |
|
|---|
Datos: Q66361233