La Cabanyeta

De Biquipedia
Ir a la navegación Ir a la búsqueda

La Cabanyeta ye un chacimiento arqueolochico de tiempos d'os romans situato en lo termin municipal de Lo Burgo d'Ebro, (Zaragoza). Ye intresant pa conoixer os prencipios d'a romanización en a part central d'a Depresión de l'Ebro.

A suya existencia ye conoixita dende antigo. Seguntes os zaguers estudeos fue fundata en o sieglo II a.C pa servir de campamento melitar a una lechión romana y as suyas tropas auxiliars, esdevenindo dimpués una ciudat. Ye posible que siga a Castra Aelia que cita o historiador Tito Livio quan relató a campanya d'o cheneral román Sertorio por tierras hispanas en 77 a.C

Tradicionalment este chacimiento ha estato malmeso por os expoliadors, as labors agricolas y a urbanización d'o suelo. Manimenos dende l'anyo 1994 s'han realizato campanyas d'excavación sistematicas, con ixo s'ha conseguito trobar una zona de termas, una zona d'almazens, inscripcions latinas, monedas, vaixiellos, obchectos de cocina, piezas metalicas, mosaicos, ecetra....

Recients treballos de prospección han permeso d'apreciar tamién os restos d'un amplo foso que lo rodeya por tres d'os suyos costatos (o quarto queda protechito por a espuenda u ripa d'a faixa fluvial natural de l'Ebro. Tamién han permeso determinar a planta rectangular, establir a extensión arredol de 20 hetarias en o interior d'o recinto, y trobar evidencias d'un habitat externo tamién de grant mida.

Os materials arqueolochicos de cronolochía romano-republicana muestran un predominio gran d'as importacions italicas debant d'as pocas ceramicas de tradición indichena. Entre estas zagueras tenemos a pondera ("pesas de telar") y os vasos de cocina decoratos con motivos cheometricos.

Toponimia[editar | editar código]

Talment reciba este nombre porque a man pasa a Cabanya Real d'os pastors transuants. O deminutivo -eta ye un aragonesismo y un fosil linguistico en una zona on huei o deminutivo ye en -ico.

Se veiga tamién[editar | editar código]