Santa Isabel d'Hongría

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Santa Isabel d'Hongría
Isabel d'Hongría, per Simone Martini
Información personal
Nombre	Santa Isabel d'Hongría
Apodo:	'
Naiximiento	7 de chulio de 1207 Sárospatak u Presburg, Hongría
Muerte	17 de noviembre de 1231 Marburg, Alemanya
Información relichiosa
Festividat	17 de noviembre
Venerau en	Catolicismo
Simbolochía	Pans y rosas
Patronache	Bogotá
Centro de pelegrinache
Ordens
Beatificación
Canonización	1235 por Gregorio IX
Qüestions

Santa Isabel (Erzsébet en hongaro) d'Hongría (1207 - 17 de noviembre de 1231) estió la filla d'o rei Andréu II d'Hongría y de Chertrudes de Merania.

Isabel quedó vidua de bien choven; deixó la fortuna suya t'os pobres y fició construir hespitals, tornando-se asinas un simbolo de caridat cristiana.

Biografía

A los cuatre anyos, Isabel yera promesa ta Loís IV de Turinchia, fillo de Hermann I de Turinchia, y fue educata a la cort de Wartburg. Iste compromís comportaba una gran alianza contra Oto IV d'o Sacro Imperio Romano Chermanico, miembro d'a casa de Güelfo, barallata con a Ilesia Catolica Romana. Beluns han socherito que en realidat lo chirmán mes gran yera Hermann y que Isabel estió promesa ta éll dica la suya muerte en 1216, pero ye improbable, ya que un succeso d'ixa relevancia hes habito d'estar cuaternato lo menos una vegata a beluna d'as muitas fuents orichinals de que disposamos.

Isabel casó con Loís en 1221 y lo matrimonio pareix haber estato goyoso. Loís no s'alticamó per la distribución d'a fortuna suya entre los pobres, creyendo que los esfuerzos caritativos d'a suya muller lis alportarían recompensa eterna; a Turinchia, la veneran como santa. Cuan la fambre, las inundacions y las epidemias d'a primavera de 1226 a Turinchia fizon que Loís representás a Frederico II d'o Sacro Imperio Romano Chermanico en a Dieta de Cremona, Isabel asumió lo control d'os afers y repartió almosnas per toz es cabos d'o territorio suyo. Baixo lo castiello de Wartburg, construyó un hespicio con vintiueito leitos, que visitaba cada día ta asistir los internos. La vida d'Isabel cambió de trazas irrevocables a la que Loís morió per la epidemia l'11 de setiembre de 1227 a Otranto, cuan marchaba ta unir-se a la Seisena Cruzata.

Con a muerte de Loís, lo suyo chirmán mes chiquet, Henrique, asumió la rechencia mientres que duró la minoría d'edat d'o fillo gran d'Isabel, Hermann II de Turinchia.

Ilesia d'Isabel, a Marburg

Dimpués de duras pleitinas per lo suyo dote, Isabel deixó la corte de Wartburg. La tradición popular diz que estió Henrique qui l'aforzó a ir-se-ne, pero la certeza d'ixo no pareix guaire firme. Zaga bellas prebatinas fracasatas ta fer que se tornás a casar, Isabel ingresó en a Orden d'os Franciscanos, fendo un hespicio a Marburg t'os pobres y malautos.

Isabel morió a Marburg, ya estás per fatiga fisica u malautía, solo con 24 anyos d'edat. Fue canonizata per lo papa Gregorio IX en 1235. La carta papal puet veyer-se a la Schatzkammer (Cambra d'o Tresoro) d'a Deutschordenskirche (Ilesia de l'Orden Teutonico) de Viena, Austria. Lo cuerpo suyo fue meso en un magnifico santuario dorato, que encara hue puet veyer-se, en a Elisabethkirche de Marburg. Actualment ye una ilesia protestant, pero tien espacios aparte t'o culto catolico. Marburg se tornó lo centro de l'Orden Teutonico, que adoptó a Santa Isabel como segunda patrona. L'Orden remanió a Marburg dica la suya disolución per Napoleón I de Francia en 1803.

Descendients

Sofía (1224 - 1284), la segunda filla d'Isabel, casó con Henrique II de Brabant y estió l'antipasada d'os landgraves de Hesse, ya que en a Guerra de Succesión de Turinchia ganó lo territorio de Hesse ta su fillo Henrique I. Chertrudes la Santa (1227 - 1297), la tercer filla d'Isabel, naixió cualques semanas dimpués d'a muerte de su pai. Estió l'abadesa d'o convento d'Altenberg, amán de Wetzlar.

Miraclos

Isabel ye ta beluns mes conoixita per la leyenda que recenta que, en prender ella pan a amagatons t'os pobres, lo suyo marito li preguntó qué amagaba en a pocha; Isabel la ubrió y lo pan se tornó rosas. Iste miraclo ye commemorato a Budapest con una estatua debán d'a ilesia neogotica adedicata a ella en a Plaza d'as Rosas (Rózsák tere).

Estatua d'Isabel, a la Seu de Naumburg

Culto

Lo santuario d'Isabel se convertió en un d'os principals centros alemans de pelegrinache de tot lo sieglo XIV y prencipios d'o XV.

A lo largo d'ixe sieglo, lo culto popular a Santa Isabel a bonico fue despareixendo. Manimenos, fue substituyindo-se per una devoción aristocratica de Santa Isabel, pus per meyo d'a suya filla Sofía, yera l'antipasada de muitas d'as familias nobles alemanas.

Trescientos anyos dezaga d'a suya muerte, un d'os muitos descendients d'Isabel, lo landgrave Felipe I de Hesse, capecero d'a reforma protestant y un d'os partidarios mes importants de Martín Lutero, irrumpió en a ilesia de Marburg y demandó que los caballers teutons lis dasen los uesos d'Isabel, con a fin d'espardir las suyas reliquias y rematar asinas con os pelegrinaches ta Marburg.

Felipe se'n levó tamién lo cáliz en o que heba reposato la capeza de Santa Isabel, pero lo tornó dimpués que lo engayolás Carlos V d'o Sacro Imperio Romano Chermanico. Lo cáliz fue saqueyato posteriorment per tropas suecas en a Guerra d'os Trenta Anyos y hue puet veyer-se en o Museu Nacional d'Estocolmo.

Lo cranio de Santa Isabel y beluns d'os suyos güesos pueden veyer-sen en o Convento de Santa Isabel, a Viena. Bellas reliquias perviven tamién en o santuario de Marburg.

Ye patrona, entre d'altros, d'hespitals, enfermeras, furners, novias, contesas, exilatos, viduas, encordadors y d'as personas sin casa.

La festividat de Santa Isabel se celebra lo 17 de noviembre.

Vinclos externos

• Pachina sobre Santa Isabel d'Hongría (En castellano)
• Pachina sobre Santa Isabel, con vinclos adicionals (En anglés)

• Datos: Q159862
• Multimedia: Elisabeth of Hungary, Landgravine of Thuringia / Q159862