Pelegrinache
Un pelegrinache[1] u pelegrinación[1] ye un viache ta un puesto considerato como sagrato por una relichión pa obtener os favors d'una divinidat u santo u augmentar l'autoconoixencia mientres a rota. As rotas d'os pelegrins a sobén creyan muita riqueza por o comercio y o trafego de personas y s'han convertito en una atracción pa o turismo moderno. Un pelegrín ye un viachero que visita cualque puesto sagrato, cuasi siempre por motivos relichiosos.
Etimolochicament pelegrín significa "estranchero", "expatriato" y a connotación relichiosa la prenió por a naturaleza d'os puestos por on se feba o pelegrinache. Dimpués o termin s'extendió a cualsiquier puesto destacato, como por eixemplo as casas d'os artistas pa os fans. Un eixemplo destacato d'este pelegrinache laico sería a casa d'Elvis Presley.
En a Europa cristiana d'a Edat Meya se distinguiban tres clases de pelegrins:
- Romers, que iban ta Roma.
- Palmers, que iban ta Cherusalem.
- Pelegrins propiament ditos, os que iban ta Santiago de Compostela muitos d'éls seguindo o Camín de Sant Chaime.
En o mundo musulmán o pelegrinache ta a Meca se diz al-hadjdj, que en l'aragonés d'os moriscos yera alhach.[2]. Entre os aragonesismos trobaus en a obra de Mohamad Rabadán tenemos alhiche ("pelegrinache"), alhichar ("pelegrinar") y alhichantes ("pelegrins")[3].
Veyer tamién
[editar | modificar o codigo]Referencias
[editar | modificar o codigo]- 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Eduardo Vicente de Vera: El aragonés: Historiografía y Literatura, Zaragoza, Mira editores, 1992.pp 216.
- ↑ José Antonio Lasarte López: Poemas de Mohamad Rabadan Diputación General de Aragón, 1991 pp323.
Datos: Q1644573
Multimedia: Pilgrimage / Q1644573