Idioma cumbrico
| Cumbrico | |
|---|---|
| Atras denominacions: | {{{altrasdenominazions}}} |
| Parlau en: | Reino Uniu |
| Territorios: | Cumbria |
| Parladors: | Muerta |
| Clasificación: | {{{clasificazión}}} |
| Filiación: | Indoeuropea Celta |
| ISO 639-1 | - |
| ISO 639-2 | - |
| ISO 639-3 | {{{iso3}}} |
| SIL | - |
| {{{Imachen}}} | |
O cumbrico estió una luenga celta charrata en Cumbria y partes de Northumbria (l'actual norte d'Anglaterra) y en as tierras Baixas d'o sud d'Escocia. Ye l'aria que se referiba a o Viello Norte u Hen Ogledd d'os zaguers tiempos romans y principio d'as invasions anglosaxonas. A perduga de contacto d'o Viello Norte con Galas se produció en l'anyo 615 por a derrota d'os britanos frent a os anglosaxons en a batalla de Chester.
Bells autors consideran a o cumbrico un dialecto d'o galés antigo, manimenos atros autors lo consideran una luenga celta britonica a part. Siga como siga, ye un feito que por a perduga d'a continuidat territorial con Galas a luenga podeba evolucionar ta una forma diferent.
Se creye que se deixó de charrar en o sieglo XI, quan o reino de Strathclyde (zaguer reino d'o Hen Ogledd) fue incorporato a o reino d'Escocia, que teneba una dinastía gaelica.
A obra de Aneirin y Taliesín, as primeras obras grans de poesía galesa, conoixitas como Hengerdd s'escribioron en o Viello Norte se creye que por autors d'o sieglo VI.