Hombre de Mataire

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Punta Lierga ye a montanya an vive l'hombre de Mataire.

L'hombre de Mataire ye un personache de mito de l'alta Cinca. Ye una figura popular en os lugars que son arredol d'a confluencia d'os ríos Cinca y Cinqueta, como Saraviello, Salinas, Badaín y la Infortunada. A la contra que Silván, Chuan Ralla y l'Hombre cerrudo d'a Fueva y a redolada de l'Aínsa, l'hombre de Mataire se representa como un chigant benigno, anque miedoso, que puede amaneixer pa aduyar a os ninos en apuros.

A descripción gosa estar a d'un hombre muit alto y fortudo, y anque no se diz a-esprés que sía metat animal y metat persona, como sí que pasa con atras formas d'o mito de Chuan l'Onso, sí que se'l describe con o cuerpo pleno de cerra marrón pareixida a la d'un onso. Tamién tiene deleria con a miel, y s'entiende bien con os onsos. Vive en as garras de Punta Lierga, en a partida por alto d'a Cinca que se diz a selva de Mataire.

L'hombre de Mataire no fa mal a o bistiar, y s'acerca a las uellas y crabas nomás cuan en veye una sola y sin cosirar, pa muyir-la y beber-se-ne la leit. Si se troba con personas adultas, corre a amagar-se en a selva an nunca se l'ha puesto trobar.

Se veiga tamién

• Chuan Ralla.
• Silván de Tella.
• Chuan de l'Onso.
• Hombre cerrudo.

• Datos: Q97246477