Cerra

De Biquipedia
Ir a la navegación Ir a la búsqueda
Cerras d'un pincel.

A cerra (d'o latín <CIRRUS, «bucle»,[1] u de <CIRRA[2]) ye o pelo de largaria meyana y basto que tienen bells tipos de mamiferos, como os chabalins y os tocins, y tamién o pelo natural u sintetico que se mete en as escobas, es cepillos u es pincels.

En Sobrarbe a parola se puet aplicar tamién a o pelo d'as personas quan se lleva de malas trazas, de forma parellana a como en castellano s'emplega la parola «greña»: T'an vas con ixas cerras?. En os anyos 1990 se le soleba dicir tamién a os chovens que seguiban determinadas esteticas asociadas con o pelo largo, como a d'o Heavy Metal, a os qui a modo de chanza u pa burchar-les se les deciba «cerrudos». «Mia-te tú el tío cerras ixe» «A cerra que llevas, que no te dixa vier!», etc.

De forma figurada, a parola cerrudo tamién puet emplegar-se pa nombrar o vello corporal si abunda, como en a mazada «Hombre cerrudo, hombre fortudo».

Referencias[editar | editar código]

  1. (es) PARDO ASSO, José, Nuevo diccionario etimológico aragonés (voces, frases y modismos usados en el habla de Aragón) (Facsímil); Institución «Fernando el Católico» + Gara d'Edizions. Zaragoza, 2002. ISBN 84-8094-101-4
  2. (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5

Se veiga tamién[editar | editar código]