Pica pica

*Pica pica*
Garza (Pica pica).
Denominacions populars
garza, picaraza, pepa
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Corvidae
Chenero:	Pica
Especie:	P. pica
Descripción
Pica pica Linnaeus, 1758
Distribución cheografica
Poblacións de Pica pica en o mundo. Verde: Pica p. pica, Verde claro: P. p. asirensis, Verde mazana: P. p. bactriana, Royo: P. p. bottanensis, Verde fosco: P. p. fennorum, Azul: P. p. galliae, Turquesa: P. p. germanica, Amariello: P. p. hemileucoptera, Violeta: P. p. hudsonia, Marrón: P. p. jankowskii, Narancha claro: P. p. japonica, Azul fosco: P. p. kamtschatica, Rosa claro: P. p. leucoptera, Narancha: P. p. mauritanica, Azul claro: P. p. melanotos, Rosa: P. p. nuttalli, Royo fosco: P. p. sericea

A garza^[1] u picaraza^[1]^[2] (nombre cientifico Pica pica (L., 1758)), tamién dita pepa^[1], ye un muixón d'a familia d'es corvidos con a cabeza, coda y patas caracteristicament de color negra, mientres que lo vientre el tien de color blanca. A coda ye tamién singularment larga.

As plumas d'a suya coda y alas pueden manifestar brilors azulencas u verdas pendendo d'a luz. As alas son curtas y arrondoladas per as ripas. Tien un caracteristico grito que diz cha-cha-cha-cha, que en es pollez se manifiesta mes como chilo. Per tanto, son d'es pocos corvidos que no grallan.

Ye un muixón de fácil identificar y muito abundant. Se puet trobar dende a Peninsula Iberica enta l'Extremo Orient, con poblacions encara en America d'o Norte d'una subspecie semellant, y también en o norte d'Africa. As suyas midas van entre es 40 y es 45 cm de longaria, plegando enta 60 cm d'amplaria d'as alas.

Una d'as trazas mes conoixitas d'es masclos d'istes animals ye la suya falaguera de cullir obchectos brilants en l'epoca de celo suyo, emplegando-los ta rondar as fembras con éls. También éls ponen en o suyo niedo, que ye caracteristicament redondo, feto con un ret de brancas y palos.

Trivialidaz

En l'Alto Aragón, sobretot entre la chent de mes edat, encara s'emplega la parola "garza"^[1] como a piropo ta designar cuan una muller ye beroya. Isto amuestra l'apreciación que en a cultura aragonesa se ha feto d'istes muixons, fendo mas atención a las suyas colors y plomas que no a altras trazas d'a suya conducta, y resulta curioso si se contimpara con altros puestos d'Espanya, a on istes animals son muito mal consideratos. A exprisión "dar garza per perdiz"^[1] significa enganyuflar a belún en a calidat de bella cosa por meyo d'unatra inferior pero parellana.