Funchal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Funchal
Localidat de Portugal
Anvista de Funchal.
Estau  • Rechión	Portugal Rechión de Madeira
Superficie	76,15 km²
Población  • Total	105782 hab. (2011)
Codigo postal	9050/9060
Fiestas	21 d'agosto
Patrons	São Tiago Menor
Parroquial  • Diocesi	Diocesi de Funchal
Coordenadas	32°39’ 0’’N16°55’ 0’’U
Funchal Funchal en Madeira
Funchal Funchal en Oceano Atlantico Norte
Web oficial

Funchal (pronunciato en portugués /fũˈʃaɫ/) ye una ciudat portuguesa, en a rechión autonoma de Madeira (en ye a suya capital). A suya población ye de 112.015 habitants, en una superficie de 76,15 km², con una densidat de población de 1.470,98 hab/km², lo que fa que sía a decena ciudat por numero d'habitants de Portugal. L'aria metropolitana de Funchal, que encluye os concellos de Câmara de Lobos, Ribeira Brava, Santa Cruz y Machico tien uma población superior a 225.000 habitants.

O municipio se divide en 10 freguesías y muga a o norte con o municipio de Santana, a o nord-este con Machico, a l'este con Santa Cruz y a l'ueste con Câmara de Lobos, estando banyato por l'oceano Atlantico por o sud.

En o suyo termino municipal ye o Chardín Botanico de Madeira con mas de 2.500 especies botanicas, oriundas de toz os continents que coexisten en harmonía, cuasi 300 aves exoticas y 200 especies indichenas d'a Rechión.

Ista ciudat ye a ciudat fundacional y a seu prencipal de l'Universidat de Madeira.

Património arquitectonico y artistico

• Casa d'a Villa de Funchal.
• Fortaleza de São Tiago do Funchal.
• Fortaleza-Palacio de São Lourenço.
• Mercau dos Lavradores.
• Fortaleza de Nossa Senhora da Conceição do Ilhéu.

Transporte

Os Horários do Funchal ye una interpresa d'autobuses ta o transporte urbán, que opera en ista ciudat.

Medios de comunicación

O Jornal da Madeira ye un periodico d'a Rechión Autonoma de Madeira que perteneixe a la interpresa Jornal da Madeira, con seu en ista ciudat. En primeras estió un periodico d'expresión catolica, encara que actualment difunde información rechional, nacional y internacional dirichita a la población de l'archipielago de Madeira.

Localidaz achirmanatas

• 1970: Oakland, Estaus Unius
• 1979: Honolulu, Hawaii, Estaus Unius
• 1980: Livingstone, Zambia
• 1984: New Bedford, Estaus Unius
• 1985: Maui, Hawaii, Estaus Unius
• 1987: Ciudat d'o Cabo, Sudafrica
• 1988: Santos, Brasil
• 1991: Herzliya, Israel
• 1994: Marrickville, Australia
• 1996: Fremantle, Australia
• 1996: Leichlingen, Alemanya
• 2003: Praia, Cabo Verde
• 2008: Saint Helier, Jèrri
• 2009: Chibraltar, territorio d'ultramar, Reino Uniu

Se veiga tamién

• Teleferico Funchal-Monte.
• Parque de Santa Catarina.
• Ribeira de Santa Lucia.

Vinclos externos

• Se veigan as imáchens de Commons sobre Funchal.
• (pt) Pachina web municipal.