Ciudat d'o Cabo

De Biquipedia
Ir a la navegación Ir a la búsqueda
Articlo d'os 1000
Ciudat d'o Cabo
Kaapstad
Localidat de Sudafrica
Escudo d'armas
Cape Town and Robben Island seen from Table Mountain.jpg
Estau
 • Provincia
Flag of South Africa.svg Sudafrica
Provincia d'o Cabo Occidental
Superficie 2.499 km²
Población
 • Total
 • Densidat

433688 hab. (2011)
1.418 hab/km²
Altaria
 • Meyana

1590 m.
Alcalde Dan Plato
Codigo postal 8001, 8000
Coordenadas
Ciudat d'o Cabo ubicada en Sudafrica
Ciudat d'o Cabo
Ciudat d'o Cabo
Ciudat d'o Cabo en Sudafrica
Web oficial

Ciudat d'o Cabo (en afrikaans Kaapstad /ˈkɑːpstɑt/; en xhosa: Ikapa; en anglés: Cape Town) ye una ciutat de Surafrica situata a man d'o cabo de Buena Esperanza, d'on que li viene o nombre.

Fue establita en l'anyo 1652 por neerlandeses d'a Companyía Neerlandesa d'as Indias Orientals, estando l'asentamiento europeu más antigo d'o país.

Hue en día ye una metropoli d'entre (pendendo d'a fuent) 2,5 y 6 millons d'abitants; capital lechislativa d'o país (seu d'o Parlamento de Surafrica) asinas como d'a provincia d'o Cabo Occidental. Ye amás o destín toristico más important de Sudafrica. A ciudat tien un clima mediterranio.

Encaixatos entre a badía y a montanya de Tafel, una serie de vicos y arias residencials rodían un centro urbán plen de gratacielos.

Situata a mán d'o Cabo Agulhas a on que se chuntan a corrient freda de Benguela (Ocián Atlantico) y a calida d'Agulhas (Ocián Indico).

Historia[editar | modificar o codigo]

Ta más detalles, veyer l'articlo Historia de Ciudat d'o Caboveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A Prehistoria[editar | modificar o codigo]

Se conoixe a presencia de l'hombre en a redolada dende fa arredol de 12.000 anyadas, en a Prehistoria, seguntes o chacimiento arqueolochico d'a Espelunga Peers en Fish Hoek. Sindembargo, antis de plegar a la redolada os europeus, no tenemos pas muitas informacions, por estar a suya población formata por chents que no conoixeban pas a escritura.

Plegan os europeus[editar | modificar o codigo]

Jan van Riebeeck en prenendo posesión d'o lugar de l'actual Ciudat d'o Cabo, en un quadro de Charles Davidson Bell.

Encara que a primera cita d'o lugar ta os europeus estió en 1486, feita por o marino portugués Bartolomeu Dias, y que en 1497 o tamién portugués Vasco de Gama pasó por astí, os primers contactos regulars con europeus no estioron dica 1652, quan plegoron a o lugar os neerlandeses como Jan van Riebeeck, que treballaban ta la Companyía Neerlandesa d'as Indias Orientals, con a finalidat d'establir un punto d'aduya ta os barcos neerlandeses que feban rota ta las nuevas colonias d'os Países Baixos en l'actual Indonesia (as Indias Orientals Neerlandesas).

En no estar una ciudat ta la esplotación comercial d'os arredols, o creiximiento d'a ciudat estió muit lento, agravato amás por no haber mano d'obra suficient. Prencipió asinas a importación d'esclavos dende Indonesia u Madagascar, estando asinas os suyos descendients os primers mestizos d'a colonia.

A conquiesta britanica[editar | modificar o codigo]

Anvista por satelite de Ciudat d'o Cabo y a suya redolada; a badía d'a dreita ye Table Bay (u badía Table), protechita d'as tronatas y d'o mal orache, a razón d'estar d'a ciudat.

En os anyos 1780, en prencipiar a Guerra d'a Independencia d'os Estados Unidos (dende 1776), os Países Baixos, como atras nacions europeas, aduyoron a os colons estausunidenses sulevatos contra os britanicos. Antiparte, dimpués d'a Revolución francesa, os neerlandeses estioron aliatos con os franceses primero en as Guerras revolucionarias francesas y luego en as Guerras napolionicas, dica a invasión d'os propios Países Baixos por Napolión Bonaparte.

Asinas, en 1795 l'Exercito britanico prenió o control d'o lugar, decindo que o feban ta evitar a suya conquiesta por l'Exercito francés. Encara que os britanicos tornoron o territorio a os neerlandeses en 1803, en 1803 tornaron a conquerir-lo, confirmando a suya conquiesta en 1814, en rematar as guerras en Europa, quan Ciudat d'o Cabo fue adhibito a o Imperio britanico.

Lo apartheid[editar | modificar o codigo]

En 1948, lo Partiu Nacional salió victorioso en una esleción que prometeba leis de segregación racial, conoixidas colectivament per la parola en afrikáans apartheid. Como conseqüencia de l'Acta d'Arias de Grupos, se clasificó totas las arias d'o país y ciudatz d'alcuerdo a la raza.

En Ciudad d'o Cabo lo Districto 6 estió demolido en 1965, forzando lo movimiento de quasi 60.000 residents dimpués que se declarase como una rechión nomás pa blancos. Muitos d'ells estioron reubicados en as Planas d'o Cabo. Baixo lo apartheid, a ciudat se consideraba como una “zona laboral preferentment mestiza” excluyindo a los negros africans. Estas situacions facioron que alli surtisen liders d'o movimiento antiapartheid, y muitos prisioneros politicos famosos estioron engarcholaus per muitos anyos en Robben Island, una isla penitenciaria 10 kilometros mar adintro d'a costa de Ciudat d'o Cabo, entre os que cal destacar a Nelson Mandela.

Esporte[editar | modificar o codigo]

Los esportes mas populars de Ciudat d'o Cabo per participación son lo críquet, la natación, lo rugby y lo fútbol (conoixiu en o país como soccer), istos dos zaguers tradicionalment son practicaus por blancos y negros respectivament encara que en zagueras esta tendencia a practicar un esporte determinau per clase social u raza tiende a disminuyir.[1]

Instalacions esportivas[editar | modificar o codigo]

Lo Estadio de Ciudat d'o Cabo

Cal destacar las instalacions que tiene la ciudat pa la practica d'o rugby y o críquet, entre la que destacan o Estadio Newlands y o Estadio de Ciudat d'o Cabo.

Competicions esportivas[editar | modificar o codigo]

A ciudat tiene una gran experiencia en la organización d'escayecimientos esportivos locales, nacionales y internacionales, en 1995 estió una d'as siedes d'a [Copa Mundial de Rugby chugando-se o partiu inagural, partius d'a primera fase, un de quartos y unatro de semifinals en o estadio Estadio Newlands. En 2010 d'a Copa Mundial de Fútbol y en 2014 d'o Campionato Africano de Nacions.

Referencias[editar | modificar o codigo]

  1. Time Out: Cape Town. Time Out Publishing, 2006. ISBN 1-904978-12-6.

Vinclos externos[editar | modificar o codigo]