Fridas d'Albarrazín

Fridas d'Albarrazín
Municipio d'Aragón
Entidat  • País  • Provincia  • Comarca	Municipio  Aragón  Teruel Sierra d'Albarrazín
Superficie	50,70 km²
Población  • Total	105 hab. (2013)
Altaria  • Meyana	1496 m.
Distancia  • 56 km	enta Teruel
Alcalde	José Carlos Novella Lasheras
Codigo postal	44126
Coordenadas	40°20’16’’N 1°36’55’’U
Fridas d'Albarrazín Fridas d'Albarrazín en Aragón
Web oficial

Fridas d'Albarrazín (Frías de Albarracín en castellano) ye un municipio d'a provincia de Teruel, situato en a comarca d'a Sierra d'Albarrazín. A suya población ye de 164 habitants (2004), en una superficie de 50,70 km², con una densidat de 3,23 hab/km².

Cheografía

O termin y lo lugar son situatos en os Monts Universals, en una zona con muelas calsinosas y poljes karsticos que s'estendilla tamién por os termins de Guadalaviar y Villar d'el Cobo.

O lugar ye situato a lo sud d'a Muela de Fridas en contacto con una depresión plana. Ixa depresión plana costituye con atras depresions a lo norte d'a Muela a Val de Fridas, val que ye a parte alta d'a cuenca d'o río de la Fuent del Berro. En tota a Val de Fridas bi ha uns barrancos que circulan a lo norte y sud d'a Muela de Fridas y no tienen prou capacidat erosiva como pa haber formato ixa val, evidenciando que a Val de Fridas ye un polje d'orichen karstico.

A lo norueste d'a Muela de Fridas ye o lugar de Casas de Fridas.

O naixedero d'o río Tacho no ye en o termin de Fridas, car o termin d'Albarrazín se prolonga arredol, pero ye prou a mán, a 11 km d'o lugar.

Mugas

O termin de Fridas d'Albarrazín no muga que con Albarrazín, y ye repitiau por una estreita faixa de terreno d'o termin d'Albarrazín quelo desepara d'os termins de Villar d'el Cobo, Tramacastiella, Calomart y Moscardón. A lo sud de Fridas d'Albarrazín se troba un extenso apéndiz d'o termin d'Albarrazín correspondient a lo naixedero d'o río Tacho y a Val de Cabriuel.

Toponimia

En un texto de 1340 s'escribiba Fridas, seguntes a fonetica aragonesa que conserva a sonora intervocalica que pierde o castellano. Dimpués de castellanizar-se estió Frías dica 1910, y Frías de Albarracín dende 1920.

A man de Fridas, pero en o termin municipal d'Albarrazín ye a fuente del Buey, que en 1340 s'escribiba Fuent del Buey y yera d'os monches de Piedra. Tamién en termin d'Albarrazín, pero entre los nuclios de Fridas y Calomart ye a Fuent del Berro, que en 1340 s'escribiba Fuent del Vero, y yo on naxe o río de la Fuent del Berro.

Bi ha un balset que se clama balsa el alchiver y que puet estar relazionata con l'aragonés "alchub", (que yera alchip en aragonés tergüelán) con lo sufixo deminutivo -et.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011	2015
Partido de los Socialistas de Aragón	-	4	1	3	2	1	4	4	2	3
Partido Aragonés	-	-	-	-	-	-	0	1	3	2
Partido Popular	-	1	-	0	3	1	1	0	0	0
Centro Democrático y Social	-	-	4	2	-	-	-	-	-	-
Unión de Centro Democrático	7	-	-	-	-	-	-	-	-	-
Total	7	5	5	5	5	5	5	5	5	5

Molimentos y lugars d'intrés

Entre os edificios y molimentos de Fridas bi ha que destacar a Ilesia de l'Asumpción Nuestra Sinyora de Fridas d'Albarracín, a Ermita d'a Immaculata, y bella casa en o suyo nuclio urbano con escudos nobiliarios.

Fiestas

• Os Mayos, nueit d'o 30 d'octubre.
• Sant Roque (patronals), 15-17 d'agosto, mientres as suyas fiestas patronals se face un campionato de morra, un chuego antigo y popular por bells lugars d'a provincia de Teruel.

Vinclos externos

• (es) Pachina web municipal de Fridas d'Albarrazínoficial.
• Lexico de Fridas.